کارواریکم ؍ اکتوبر(ایس او نیوز)نیشنل ہائی وے 66کے توسیعی منصوبے کے لئے جو زمینیں تحویل میں لی گئی ہیں اس کے معاوضے کے بارے میں اگر کسی قسم کے مسائل ہیں تو ان کی جانکاری حاصل کرنے کے لئے شمالی کینرا ضلع انتظامیہ نے ایک پروگرام بنایا ہے۔ کیونکہ زمینات کو تحویل میں لینے کا آرڈیننس جاری ہونے کے باوجودبہت سارے مقامات پر زمین مالکان نے ابھی تک اپنی زمینیں سرکاری تحویل میں دینے کاکام پورا نہیں کیا ہے۔ جس کی وجہ سے توسیعی منصوبہ بہت سست رفتاری سے آگے بڑھ رہا ہے۔

ضلع انتظامیہ کی طرف سے جاری کردہ بیان کے مطابق ایڈیشنل ڈپٹی کمشنرضلع کے مختلف مقامات پر مقررہ تاریخ اوروقت پر گرام یا پٹن پنچایتوں میں ملاقات کے لئے حاضر رہیں گے ۔ جن لوگوں کوتحویل میں لی جانے والی زمین کے معاوضے سے متعلق مسائل درپیش ہیں، ان سے درخواست کی گئی ہے کہ وہ تمام ضروری دستاویزات کے ساتھ مقررہ وقت پر ایڈیشنل ڈی سی کے سامنے حاضر ہوکر اپنی بات رکھیں۔ دورے پروگرام یوں طے کیا گیا ہے:
3اکتوبر صبح 10.30بجے سے 1.30بجے تک ہلدی پور گرام پنچایت، 4اکتوبر صبح 10.30بجے سے 1.30بجے تک کرکی گرام پنچایت، 5اکتوبر صبح 10.30 بجے سے 1.30بجے تک ہوناور پٹن پنچایت، 6اکتوبر صبح 10.30بجے سے 1.30بجے تک منکی، کیلگین اورو، کاسرکوڈ