کاروار 21؍جولائی (ایس او نیوز) سال 2008میں گوکرن مندر کو رامچندرا پور مٹھ کی تحویل میں دینے کی مخالفت اور اس سے متعلقہ ہنگاموں کے دوران رامچندرا پور مٹھ کے کار کن پر قاتلانہ حملہ کرنے کا معاملہ پولیس نے درج کیا تھااور اس ضمن میں ملزمین کو گرفتاربھی کرلیا گیاتھا۔

پولیس نے شیکھر نائک کی شکایت پر جو کیس تیار کیا تھا اس کے مطابق گوپال اڈی، روی، منو ناوڈ اور مادھو اڈی نامی ملزمین نے رامچندرا پور مٹھ کے کارکن گرومورتی نامی شخص پر جان لیوا حملہ کیاتھا۔ اقدام قتل کے اس معاملے پر سیشنس کورٹ میں شنوائی اور جرح کے دوران 27افراد نے گواہی دی تھی۔اب موصولہ رپورٹ کے مطابق اس معاملے میں سیشنس عدالت کے جج دھارواڑکر نے فیصلہ سناتے ہوئے تمام ملزمین کو اقدام قتل کے الزامات سے باعزت بری کردیا ہے۔