منڈگوڈ:20/ نومبر (ایس اؤنیوز)آٹورکشامیں غیر قانونی طور جنگلی سور کا گوشت سپلائی کرنےکے دوران محکمہ جنگلات  کے افسران نے چھاپہ مارکر تین ملزمان کو گرفتار کرلیا ہے، جبکہ ایک   آٹورکشا اور ایک بائک کو بھی  ضبط کرتے ہوئے سور کا گوشت بھی برآمد کرلیا ہے۔

ذرائع سے ملی اطلاع کے مطابق پولس نے اس تعلق سے شہر کے گاندھی نگر کے سریش تمنا کورور(38)،کلپا ہنومنت کورور(37)اور امبیڈکر گلی کے گنگادھر کورور(31)کو گرفتار کرتے ہوئے اُن کے قبضہ  سے خنزیر کے گوشت کو بھی ضبط کرلیا ہے۔ 

پولس ذرائع کے مطابق جنگلات کے ایک مخصوص  علاقہ میں اتوار کی صبح جنگلی سورکا شکار کرنے کے بعد وہیں اس کو کاٹ کر 80کلوگوشت دوتھیلیوں میں بھر کر آٹورکشا پر لے جایا جارہا تھا جس کے دوران محکمہ جنگلات  نے چھاپہ مارا ۔ گرفتار شدگان سے 2چاقو، ایک چھری اور ایک بائک سمیت 80کلو   جنگلی سورکاگوشت ضبط کرلیا گیا ہے۔ زون فاریسٹ آفیسر سریش کلولی کی قیادت میں فاریسٹر بسوراج پجار، آنند پجار، ننگپا کلادگی ، رمیش سجن،بوجوچوان،رمیش بھجنتری ، بسوراج نائک وغیرہ کارروائی میں شریک تھے۔معاملے کو لےکر کیس درج کرلیاگیا ہے۔