منگلورو17؍جنوری (ایس او نیوز)منگلوروانٹرنیشنل ایئر پورٹ پر 16جنوری کو دوالگ الگ معاملات نے کسٹم افسران نے کُل 27.56لاکھ روپے مالیت کا سونا ضبط کیا جسے دبئی سے اسمگل کرنے کی کوشش کی گئی تھی۔

پہلے معاملے میں دبئی سے ایئر انڈیا فلائٹ میں آنے والے مسافر ابوبکر محمود(46سال) کے پاس سے پیسٹ کی شکل میں انڈرویئر کے اندر چھپایا گیا سونا برآمدہوا جس کی قیمت 9.80لاکھ روپے بتائی جاتی ہے۔ جبکہ دوسرے معاملے میں بھی کیمیکل کے ذریعے پیسٹ میں بدلا گیا سونا ہی ضبط کیا گیا ہے مگر یہ اسپائس جیٹ سے برآمد ہوا ہے ۔جب دبئی سے آنے والا یہ طیارہ منگلورو ایئر پورٹ پر لینڈ ہونے کے بعد تمام مسافر نکل گئے تو سیٹ پر ایک پیکیٹ یونہی چھوڑا ہو ا پایا گیا۔ جانچ کرنے پر اس کے اندر گولڈپیسٹ پایا گیاجس کاوزن 549.130گرام بتایا جاتا ہے۔