منگلورو:20/جون (ایس اؤنیوز)کلڈکا فسادا ت کو لے کر جہاں بی جےپی اور کانگریس میں گھماسان جاری ہے بی جےپی کےایم پی اور دیگر شاخیں لگاتار پریس کانفرنس کرتے ہوئے فساد کے لئے ریاستی کانگریس حکومت کو مورد الزام ٹھہرائے جانے کے دوران ہی ضلع نگراں کار وزیر رماناتھ رائی کا وڈیو وائر ل ہونے معاملہ مزید گرما گیا ہے۔ اور ضلع سے لےکر ودھان سبھا میں تک گرما گرم بحث جاری ہے۔ اسی کو لے کر اب خاموش رہے دونوں اضلاع کی کانگریسی شاخیں بھی میدان میں آگئی ہیں اور وائر ل وڈیو اور رماناتھ رائی کی مکمل حمایت کررہی ہیں۔

منگل کو پارٹی دفتر میں الگ الگ پریس کانفرنس کرتے ہوئے کانگریس کے شعبہ خواتین کی صدر شالٹ پنٹو اور پسماندہ طبقات کے صدر دھرنیندر کمار نے کہا ہے کہ ضلع میں امن کو بحال و برقرار رکھنے کے لئے رماناتھ رائی نے ضلع ایس پی کے ساتھ گفتگو کی ہے۔ گفتگوکے دوران فساد کو اکسانے والوں کے خلاف کارروائی کرنے کی ہدایات جاری کی ہیں، اسی کو بہانہ بنا کر میڈیا اور سوشیل نیٹ ورک پر رائی کی بے عزتی کرتے ہوئے بیانات جاری کرنا قابل مذمت ہے۔

اُڈپی کے عوام کافی دنوں سے اُڈپی کی رکن پارلیمان شوبھا کرندلاجے کو ڈھونڈرہے تھے کہ وہ کہاں گم ہوگئی ہیں ایسے وہ اچانک اُڈپی میں اپنا درشن کرتے ہوئے رائی کے خلاف الزامات عائد کی ہیں اگر ان میں دم ہے تو وہ رائی کے خلاف الیکشن لڑکر جیت کر دکھائیں۔ اس کے بعد ان کے خلاف بیان بازی کرنے پر شالٹ پنٹو نے زور دیا۔ ضلع کے ایم پی نلین کمار کٹیل ضلع کو آگ لگانے کی بات کہی تھی ، لیکن رائی نے ایسا کوئی بیان نہیں دیا ہے ، ضلع کے مفاد میں ایس پی کے ساتھ انہوں نے قانونی نظام کو لے کر بات چیت کی ہے، بات چیت کے دوران آئی ہوئی ایک معمولی بات کو لے کر پھیلانا صحیح نہیں ہے۔ پچھلے 4برسوں میں دونوں اضلاع میں امن رہاہے، اب جب کہ انتخابات قریب آرہےہیں توامن کو برباد کیوں کیا جارہاہے اس کا کلڈکا پربھا کر بھٹ سمیت فرقہ وارانہ قوتوں کو جواب دینے کی بات کہی۔ کانگریس نے کبھی فرقہ پرستوں کی حمایت نہیں کی ہے۔ جو لوگ زہریلے بھاشن دیتے ہیں انہیں ضلعی سرحد سے باہر کرنا ہی مناسب ہوگا۔ ووٹ بینک کے لئے ہندو، مسلم ،عیسائی کی تفریق کو ختم کرنا چاہئے۔ پرسوں کے فساد کے بعد کتنے ہی معصوم جیل کی ہوا کھارہے ہیں، ان کی بیوی ، بچے عدالتوں کا چکرکاٹنےپر مجبورہیں، اس کے لئے کون ذمہ دار ہونے کا سوال کیا۔ ونایک بالیگا، ہریش پجاری قتل پر بات نہ کرنےو الے یہ خود ساختہ ہندوتوا وادی صرف کچھ حساس معاملات کو لے کر ضلع کے امن کو بگاڑنے کاکام کررہے ہیں جس کی ہم کڑی مذمت کرتےہیں۔ پریس کانفرنس میں میئر کویتا سنیل، ممتا گٹی ، سبیتا مسکیت، نمیتا راؤ وغیرہ موجود تھیں۔

ضلع کے پسماندہ طبقات کے نوجوانوں میں نفرت کے بیج بو کر ضلع کے امن میں خلل ڈالنے والنے کلڈکا پربھاکر بھٹ ایک ہندوتوا وادی مکھوٹاہے۔ان کے خلاف قانونی کارروائی کے لئے رماناتھ رائی کا ہدایت دینا بالکل صحیح ہونے کا پسماندہ طبقات کے صدر دھرنیندر کمار نے خیال ظاہرکیا۔

پربھا کر بھٹ کی باتوں سے مرعوب ہوکر ضلع کے کئی ایک پسماندہ طبقات کے نوجوان جیل میں بند ہیں کئی ایک عدالتوں کا چکر کاٹ رہے ہیں، تعلیم ، روزگار سے محروم ہیں، ان سب کے لئے یہی کلڈکاپربھا کربھٹ ہی اہم وجہ ہے اس کے خلاف قانونی کارروائی کا مطالبہ کیا۔ پریس کانفرنس میں پرتھوی راج ، دھن راج، پرتیبھا کلائی ، رمانند وٹلا، جناردھن ، وشواس داس موجود تھے۔