مینگلور ڈی سی پی نے دیا انتباہ: سی آئی ڈی آفیسر کے روپ میں سونے کی چین چھین لینے والو ں سے رہیں ہوشیار!

Source: S.O. News Service | By I.G. Bhatkali | Published on 25th December 2018, 8:09 PM | ساحلی خبریں | ان خبروں کو پڑھنا مت بھولئے |

منگلورو25؍دسمبر ( ایس او نیوز) منگلورو کرائم اینڈ ٹریفک کی ڈپٹی کمشنر اوما پرشانت نے عوام سے درخواست کی ہے کہ وہ ہر حال میں سونے کی چین اڑالے جانے والوں سے ہوشیار رہیں ، چاہے وہ سی آئی ڈی افسران کے بھیس میں ہی کیوں نہ ہو۔

ڈی سی پی نے بتایا کہ اڈپی اور منگلورو سے چین اڑا لے جانے کے دو ایسے معاملات سامنے آئے ہیں جس میں ہندی بولنے والے دو افراد اپنے آپ کو سی آئی ڈی افسران بتاتے ہوئے راہگیروں سے ملتے ہیں اور کہتے ہیں کہ آس پاس میں کچھ گلے سے سونے کی چین اڑانے والے لٹیرے موجود ہیں اس لئے وہ اپنے گلے سے چین اور ہاتھوں سے سونے کی انگوٹھیاں وغیرہ اتار لیں۔ اس دوران وہ عمل تنویم (ہپناٹزم) کے ذریعے اپنے شکار کو مسحور کردیتے ہیں اور ان کے ہاتھوں میں سے سونے کے زیورات آسانی کے ساتھ اڑالے جانے میں کامیاب ہوجاتے ہیں۔

ڈی سی پی اوما نے بتایا کہ دو افراد کی یہ ٹولی کالی موٹر بائک پر سفر کرتی ہے۔ عوام کسی بھی قیمت پر ایسے افراد کے بہکاوے میں نہ آئیں ۔ پولیس افسران راستوں پر روک کر کبھی کسی کو اپنے گلے سے زیورات اتارنے کے لئے نہیں کہتے ۔ اس لئے عوام کو چوکنا رہنا چاہیے اور لٹیروں کے فریب میں نہیں آنا چاہیے۔

ایک نظر اس پر بھی

مینگلور: مُلکی پولیس نے کیا بین الریاستی چوروں کو گرفتار۔40لاکھ روپے مالیت کا مسروقہ مال ہوا بر آمد

مُلکی   پولیس اسٹیشن سے وابستہ پولیس افسران نے ایک بین الریاستی چوروں کی ٹولی سے تعلق رکھنے والے دو ملزمین کوگرفتار کرنے کے بعدان کے قبضے سے 40لاکھ روپے مالیت کا مسروقہ مال برآمد کیا ہے۔پولیس کا کہنا ہے کہ اس ٹولی کے دیگر2دیگر اراکین بھاگ نکلنے میں کامیاب ہوگئے۔

’ڈرائیوروں کے لئے آٹھویں تک کی تعلیم ہونے کی شرط ختم‘

 روڈٹرانسپورٹ اور شاہراہوں کے وزیر نتن گڈکری نے کہاکہ ملک میں کم تعلیم یافتہ لوگوں کو روزگار کے مواقع دستیاب کرانے کے لئے ڈرائیوروں کے لئے آٹھویں تک کی تعلیم کی کم از کم تعلیمی اہلیت کی لازمیت کو ختم کردیا گیا ہے۔

نچلی عدالت نے چار ملزمین کو عمر قید اور ایک ملزم کو باعزت بری کیا، جمعیۃ علماء نچلی عدالت کے فیصلہ کو ہائی کورٹ میں چیلنج کرے گی:گلزاراعظمی

14 سالوں کے طویل انتظار کے بعدآج الہ آباد کی خصوصی عدالت نے رام جنم بھومی (ایودھیا دہشت گردانہ حملہ) معاملے میں اپنا فیصلہ سنایا اور پانچ میں سے ایک جانب جہاں چار ملزمین کو عمر قید کی سزا دی وہیں ناکافی ثبوت وشواہد کی بنیاد پر ایک ملزم کو باعزت بری کردیا۔