منگلورو:6/اگست (ایس اؤنیوز)بلڈ ہیلپ لائن کرناٹکا کے پہلے سالانہ جلسے کی مناسبت سے اتوار کو شہر کے فورم فضا مال میں خون عطیہ کیمپ کا ریاستی کابینہ کے وزیر برائے غذا اور شہری سپلائی یوٹی قادر نے افتتاح کرنے کے بعد خطاب کرتے ہوئے کہاکہ بلڈ ہیلپ لائن ادارہ سماج اور ملک کی فلاح وبہبودی کی خاطر مختلف کاموں کو انجام دینے پر ان کی ستائش کی۔ بھوکے کو کھلانا، تعلیم دینا اعلیٰ عطیہ جات میں گنایا جاتاہے اسی طرح خون عطیہ بھی ایک عظیم کام ہونےکی بات کہی۔ اس موقع انہوںنے کہاکہ خون عطیہ کو لے کر جوغلط فہمیاں عوام میں رائج ہیں انہیں دور کرنے کی کوشش کریں۔ بیداری مہم چلانے کا یوٹی قادر نے مشورہ دیا۔

مہمان خصوصی کی حیثیت سے خطاب کرتے ہوئے پروفیسر پٹابھیرام سومیاجی نے کہاکہ خون عطیہ کے دوران کچھ رکاوٹوں کا سامنا ہوسکتاہے، حکومت کی ذمہ داری بنتی ہے کہ خون عطیہ دینے کےلئے جب اسپتال روانہ ہوتے ہیں تو راستہ میں ہونے والی رکاوٹوں کو دور کرنے کا انتظام کرے ۔ جس کے لئے منتخب متحرک اداروں کو سرکارشناختی کارڈ عطا کرنے کا مشورہ بھی دیا۔ رکن اسمبلی محی الدین باوا، جے آر لوبو، چوکوٹو جمعہ مسجد کے خطیب عبدالعزیز دارمی ، سابق میئر کے اشرف وغیرہ نے نیک تمناؤں کااظہار کیا۔ اے ایچ نوشاد حاجی ، سہیل خندق، نواز اُلال، یوسف ، شریف، رفیق ماسٹر، رازق اُلال وغیرہ موجود تھے۔

بلڈ ہیلپ لائن کے ایڈمن افتخار کرشناپور، مصطفیٰ اڈور، عمران اڈور، مزمل نوی ، فیاض علی نے کیمپ کا انتظام کیا تھا۔ اس موقع پر بی اے محمد علی ، صنعت کار زکریا جوکٹے ، ہریکل ہاجپا، ٹرافک افسر عبدالرؤوف کی تہنیت کی گئی ۔ کیمپ میں وزیر یوٹی قادر سمیت 130لوگوں نے اپنی طرف سے خون کا عطیہ دیا۔ بیاری زلفی کی قیادت میں ثقافتی پروگرام منعقد ہوئے ، اس کے علاوہ بچوں اور عوام کے لئے مختلف مقابلہ جات کا بھی اہتمام کیا گیا تھا۔