منگلورو:28/جولائی (ایس اؤنیوز)شہر ی سطح پر ٹرافک نظام کو سہولت فراہم کرنے اور نقل و حمل میں آسانی پیداکرنےکے لئے منگلورو مہا نگر پالیکامیئر کویتا سنیل کی قیادت میں جمعہ کی صبح سے ہی باکڑا دکانوں اور سڑکوں پر موجود غیر قانونی جائیداد کو نکال باہرکرنےکی کارروائی شروع کی گئی ۔

شہر کے راؤ اینڈ راؤ روڈ کے مشن اسٹریٹ میں پارکنگ قبضہ جات کو نکال باہرکرنےکا صبح میں انجام دیا گیا، اسی دوران سڑک کنارے 20 سینٹ جگہ اتی کرم کرکے تعمیر کی گئی عمارت کو جے سی بی مشین کے ذریعے منہدم کیا گیا ۔ فٹ پاتھ پر قبضہ کئے غیر قانونی پارکنگ ، باکڑادکانوں کو نکال دیا گیا ۔ کارروائی کے دوران کئی دکان مالکان نے سخت اعتراض جتاتے ہوئے دیکھا گیا۔

خیال رہےکہ حال ہی میں مہانگر پالیکا کے منگلا ہال میں منعقدہ شہری ٹرافک نظا م کے متعلق منعقدہ میٹنگ میں میئر نے کہا تھا کہ شہر میں ٹرافک نظام میں آسانی پیدا کرنے کےلئے پہلے مرحلے کے طورپر پی وی ایس سے اسٹیٹ بینک تک جو بھی غیر قانونی پارکنگ اور باکڑا دکانیں ہیں نکال باہر کرنے کے لئے معائنہ کرکے کارروائی کرنےکی بات کہی تھی۔ جس کے تحت ایک دن پہلے متعلقہ علاقہ کا دورہ کرتے ہوئے میئر کویتا سنیل اور ٹرافک اعلیٰ پولس افسران نے غیر قانونی قبضہ داروں کو وارننگ دی تھی کہ وہ کل تک از خود اپنی دکانوں کو نکال لیں ورنہ مشین کے ذریعے کارروائی کی جائے گی۔ اس کے مطابق آج یہ کارروائی انجام دینےکی بات میئر نے کہی۔