کاسرگوڈ: شادی شدہ خاتون نے عاشق کے ساتھ فرار ہونے کے لئے رچا اغوا کا ڈرامہ

Source: S.O. News Service | By I.G. Bhatkali | Published on 31st August 2018, 8:21 PM | ساحلی خبریں | ان خبروں کو پڑھنا مت بھولئے |

مینگلور31؍اگست (ایس او نیوز) پڑوسی تعلقہ کاسرگوڈ (کیرالہ) میں  ایک حیران کردینے والی واردات میں شادی شدہ خاتون نے اپنے عاشق کے ساتھ فرار ہونے کے لئے دن دہاڑے شرپسندوں کے ذریعے اسے اور اس کے بچے کو گھر سے اغوا کرلیے جانے کا ڈرامہ رچا مگر بعد میں وہ عاشق کے ساتھ پولیس کے ہتھے چڑھ گئی۔ 

بتایاجاتا ہے کہ یہ واردات چیتاریکل ویلاڈیکا نامی علاقے میں پیش آئی ہے جہاں منوج نامی ایک میکانک کو اس کی بیوی مینو(۲۳سال)نے فون کرکے بتایا کہ گھر میں شرپسند گھس آئے ہیں اور پھر اس کا فون سوئچ آف ہوگیا۔جب تک آس پاس کے لوگ چیخ و پکار سن کر منوج کے گھر تک پہنچتے تب تک مبینہ شرپسندمنوج کی بیوی اور اس کے بیٹے سائی کرشنا(۳سال) کو لے کرفرار ہوچکے تھے۔گھر کا سازوسامان ادھر اُدھر بکھرا پڑا تھا۔

واردات کی اطلاع ملنے پر ڈسٹرکٹ پولیس سپرنٹنڈنٹ ڈاکٹر اے سرینواس کے علاوہ دیگر اعلیٰ افسران اور چیتاریکل پولیس اسٹیشن کے عملے نے موقع پر پہنچ کر جائزہ لیا۔ تحقیقات کے لئے فنگر پرنٹس ماہرین اور ڈاگ اسکواڈ کو بھی طلب کرلیاگیا۔ پولیس نے تیز رفتاری تحقیقات آگے بڑھائی تو معلوم ہوا کہ مینو اپنے عاشق کے ساتھ کوزی کوڈ ریلوے اسٹیشن کے اطراف دیکھی گئی ہے۔فوراًکوزی کوڈ پولیس کو الرٹ کردیا گیا ہے اوراس نے مفرورمینوکو اپنی تحویل میں لے لیا ، جبکہ جس کار میں وہ اپنے عاشق کے ساتھ فرار ہوگئی تھی وہ کارپولیس نے پائیانور ریلوے اسٹیشن کے پاس بر آمد کرلی۔

پولیس کی تحقیقات کے دوران پتہ چلا ہے کہ منوج اور مینو نے عشق لڑاکر شادی رچائی تھی۔ شادی کے بعد جب مینو ایک شاپنگ کامپلیکس میں ملازمت کرنے لگی تو وہاں پر بینو نامی ایک شخص کے ساتھ اس کی دوستی بڑھنے لگی۔ اس بات کو محسوس کرتے ہوئے منوج نے مینو کو ملازمت پر جانے سے روک دیا تھا۔یہی وجہ تھی کہ اس نے اپنے عاشق کے ساتھ مل کر خود کو اور بچے کو اغوا کیے جانے کا ڈرامہ رچاجس کا پردہ فاش ہوگیا ہے۔صبح کے وقت جب یہ واردات پیش آئی تھی تو آس پاس کے لوگوں میں خوف وہراس کا ماحول پیدا ہوگیا تھا۔ پولیس کی مستعدی سے اصل حقیقت جلد ہی سامنے آگئی۔

ایک نظر اس پر بھی

منگلورو کے گمشدہ نوجوان کی لاش تملناڈو میں دستیاب۔ قتل کیے جانے کا شبہ

گنجی مٹھ کے رہنے والے سمیر (35سال) کے والد احمد نے پولیس میں گم شدگی کی شکایت درج کی گئی تھی اور بتایا گیا تھا کہ اپنی بیوی ا وربچی کو ساتھ لے کر ہوائی جہاز کے ذریعے بنگلورو جانے کے بعد وہ لاپتہ ہوگیا ہے اور اس کی بیوی ااپنی بچی کے ساتھ کاپ میں واقع اپنے مائیکے واپس پہنچ گئی تھی۔

پٹرول ڈیزل کی قیمتوں میں اضافہ بدستور جاری

پٹرول ڈیزل کی قیمتوں میں آج ایک بار پھر اضافہ ہوا ہے۔پٹرول 17 پیسے اور ڈیزل 10 پیسے مہنگا ہوا ہے۔اضافے کے بعد راجدھانی دہلی میں ایک لیٹر پیٹرول کی قیمت 82.61 روپے فی لیٹر ہو گئی ہے۔وہیں ڈیزل 73.97 روپے فی لیٹر ہو گئی۔ راجدھانی دہلی میں کل پٹرول 82.44 روپے فی لیٹر اور ڈیزل 73.87 روپے فی لیٹر ...

روپے کی قدر میں گراوٹ:سستاحج کرانے کادعویٰ بھی فرضی؟ حجاج کرام پر بوجھ میں اضافہ ،مزید پیسے وصولے جاسکتے ہیں

سرکارایک طرف دعویٰ کررہی ہے کہ اس نے اس بارسستاحج کرایاہے ۔لیکن اب روپیے کی گراوٹ کی وجہ سے پھرحاجیوں سے وصولی کی جائے گی ۔عالمی بازار میں ڈالر کے مقابلے ہندوستانی کرنسی کی قدر میں ہورہی گراوٹ کی وجہ سے اب حجاج کرام پر مزید بوجھ پڑنے والاہے۔