کاروار میں نئے ایس پی ونایک وسنت راؤ پاٹل نے سنبھالا ضلع کے ایس پی کا چارج
کاروار:10/جنوری(ایس او نیوز) گذشتہ روز اُترکنڑا کے ایس پی اونشی کرشنا کا تبادلہ ہاویری میں کئے جانے کے بعد اب ونایک وسنت راؤ پاٹل نے کاروار پہنچ کر اترکنڑا ضلع سپرنٹنڈنٹ آف پولس (ایس پی )کے عہدے کا چارج سنبھالا۔ چارج لینے کے بعد ایس پی صاحب نے اعلیٰ افسران کے ساتھ میٹنگ کرتے ہوئے ضلع کے حالات کی جانکاری لی۔
اترکنڑا ضلع کے نئے ایس پی ونایک وسنت راؤ پاٹل کا تعلق مہاراشٹرا کے اسلام پور شہر سے ہے۔ سال 2010کی آئی پی ایس بیچ سے تعلق رکھنے والے ونایک پاٹل پورے ملک میں 164ویں رینک سےنمایاں کامیابی حاصل کرتے ہوئے پولس سرویس میں داخل ہوئے تھے۔ ایمانداری ، شفافیت اور نظم و ضبط کے ساتھ اپنا کیرئیر شروع کرنے والے ونایک پاٹل نے قانونی نظا م کو نافذ کرنے میں بہت ہی چاک وچوبند مانے گئے ہیں۔ وہ اس سے پہلے یادگیری میں ایس پی عہدے پر خدمات انجام دے رہے تھے، جہاں سے وہ اب ضلع اُترکنڑا کے ایس پی مقرر کئے گئے ہیں۔