اترکنڑا ضلع پنچایت کی ماہانہ کے ڈی پی میٹنگ : محکمہ جات عوام کے سامنے جوابدہ ہیں ذمہ داری سے کام کریں : جئے شری موگیر

Source: S.O. News Service | By Abu Aisha | Published on 12th July 2018, 9:38 PM | ساحلی خبریں | ان خبروں کو پڑھنا مت بھولئے |

کاروار:12/ جولائی (ایس او نیوز) کمٹہ  اور  منکی کے قریب  لاری اور سرکاری بس کے درمیان ہوئے بھیانک سڑک حادثے میں آر ٹی اؤ اور کے ایس آر ٹی سی محکمہ جات کی لاپرواہی کو ذمہ دارقرار دینے کے تعلق سے عوام میں چہ مگوئیاں جاری ہیں،  ایسے میں محکمہ جات کو آئندہ دنوں مزید متحرک ہوکر اپنے فرائض انجام دینے  کی ضرورت ہے۔یہ بات اُترکنڑا ضلع پنچایت صدر جئے شری موگیر نے بتائی۔

پیر کو اترکنڑا ضلع پنچایت کی ماہانہ کے ڈی پی میٹنگ میں بات کرتے ہوئے جئے شری موگیر نے کہاکہ صرف عوامی نمائندے ہی  نہیں بلکہ ہرمحکمہ جات عوام کے سامنے جوابدہ ہیں۔ انہوں نے ریجنل ٹریفک آفسران سے سوال کیا کہ  3-2روز سے بھاری وزنی سواریاں ضلع کی سڑکوں پر سے گزرنے پر بھی آر ٹی اؤ اُس پر کیوں نگاہ نہیں رکھ رہی ہے ؟ انہوں نے محکمہ پر زور دیا کہ  وہ  مناسب اور پیشگی اقدامات کرے۔

صدر جئے شری موگیر نے پینے کے پانی کی سپلائی اور پاکیزگی محکمہ کے افسران کو آڑے ہاتھوں لیتے ہوئے کہاکہ یومیہ مزدوروں کا مشاہیرہ ادا کئے بغیر ٹھیکداروں کے بل پاس کرنے کی طرف توجہ دینا صحیح نہیں ہے۔ محکمہ کے افسرنے وضاحت کرتے ہوئے کہاکہ یومیہ مزدوروں کو جنوری 2018 تک کی تنخواہ دی گئی ہے  بقیہ جات کو منظور کرنے کےلئے سرکارسے کہاگیا ہے ۔ امداد ملتے ہی ان کی بقیہ تنخواہیں ادا کی جائے گی۔

محکمہ تعلیمات عامہ کے افسر نے میٹنگ میں جانکاری دیتے ہوئے کہا کہ کاروار اور انکولہ تعلقہ جات کے لئے اسکولی ڈسک فراہم کئے گئے ہیں، بقیہ تعلقہ جات کے لئے اگلے ایک ہفتہ میں  مہیا کئے جائیں گے۔ بلاک ایجوکیشن آفیسران کے ذریعے تمام اسکول کے صدر مدرسوں کوخستہ حال  عمارتوں والے  اسکولو ں میں تدریس نہ کرنے کہاگیا ہے  اس سلسلے میں بیدار رہنے کی ہدایات بھی جاری کی گئی ہیں۔

ہیسکام آفیسر نے بتایا کہ بارش اور طوفانی ہواؤں کی وجہ سے 8ٹرانسفارمرس اور420بجلی کے کھمبوں کونقصان پہنچاہے ، جس کا متبادل انتظام کرتے ہوئے بجلی سپلائی جاری رکھی گئی ہے۔ قریب 30کھمبوں کو بدلنا باقی ہے اس کے لئے اقدامات کئے جارہے ہیں

ضلع پنچایت نائب سکریٹری (انتظامیہ )آر جی نائک نے مختلف محکمہ جات کے ترقیاتی کاموں کا جائزہ لیا۔ نائب صدر سنتوش رینکے ، کمیٹیوں کے صدور سنجئے ماروتی ، رتناکر نائک سمیت کئی محکموں کے افسران موجود تھے۔

ایک نظر اس پر بھی

محکمہ جنگلات کی جانب سے ہونے والی ہراسانیوں کے خلاف 23فروری کو سرسی میں ہوگا سی سی ایف دفتر کا محاصرہ

جنگلاتی زمین پر رہائش پزیر افراد کے لئے حقوق فراہم کرنے والے قوانین کی خلاف ورزی کرنے اور بار بار جنگلاتی زمین پر مکانات یا باغاغبانی کرکے زندگی گزارنے والوں پر محکمہ جنگلات کے افسران کی ہراسانی کے خلاف 23فروری کو سرسی میں واقع چیف کنزرویٹر آف فاریسٹ (سی سی ایف) دفتر کا محاصرہ ...

منگلورو سٹی مال کے فوڈ شاپ میں معمولی آتشزدگی؛ فوری طور پر پایا گیا آگ پر قابو؛ معمولی نقصان

منگلورو سٹی مال کی ایک فوڈ شاپ میں آگ لگنے پر تھوڑی دیر کے لئے افراتفری کا ماحول پیدا ہوگیا۔ مگرپانڈیشور علاقے سے فائر بریگیڈ کے افسران نے موقع پر پہنچ کر جلد ہی آگ پر قابو پالیا ۔

مینگلور اور اُڈپی میں پولس افسران کے تبادلے؛ نیشا جیمس اب اُڈپی کی نئی ایس پی اور سندیپ پاٹل مینگلور کے نئے پولس کمشنر

پارلیمانی انتخابات کو لے کر ریاستی حکومت کی جانب سے بڑے پیمانے پر اعلیٰ آفسران کے تبادلے جاری ہیں، اسی مناسبت سے اب اُڈپی اور مینگلور میں اعلیٰ آفسران کے تبادلے کئے گئے ہیں۔

ہوناور: ہیسکام کے افسران راستہ بھٹک گئے۔ پوری رات جنگل میں گزارنے پر ہوئے مجبور

گیر سوپّا ڈیم کے علاقے میں گھنے جنگل سے گزرنے والی 33کے وی بجلی لائن کا معائنہ کرنے کے لئے نکلی ہوئی ہیسکام افسران اور عملے پر مشتمل ایک ٹیم میں شامل دوافسران جنگل میں راستہ بھٹک گئے جس کی وجہ سے انہیں پوری رات جنگل ہی میں گزارنی پڑی ۔

ہوناور: ہیسکام کے افسران راستہ بھٹک گئے۔ پوری رات جنگل میں گزارنے پر ہوئے مجبور

گیر سوپّا ڈیم کے علاقے میں گھنے جنگل سے گزرنے والی 33کے وی بجلی لائن کا معائنہ کرنے کے لئے نکلی ہوئی ہیسکام افسران اور عملے پر مشتمل ایک ٹیم میں شامل دوافسران جنگل میں راستہ بھٹک گئے جس کی وجہ سے انہیں پوری رات جنگل ہی میں گزارنی پڑی ۔

بھٹکل مجلس احیاء المدارس کے زیراہتمام انوکھی نوعیت کا  ’اجتماعی قرأت مقابلے ‘کا خوبصورت انعقاد : قرآن فیصلہ کن ، ممتاز ،مسلسل پڑھی جانی والی واحد کتاب ہے

مجلس احیاء المدارس بھٹکل کے زیر اہتمام مخدوم کالونی میں واقع مدرسہ دارالتعلیم و التربیہ میں 19فروری 2018بروز منگل کی رات منعقدہ اپنی نوعیت کے پہلے ’’اجتماعی قرأت مقابلہ ‘‘میں جامعہ اسلامیہ چوک بازار بھٹکل اول، جامعہ اسلامیہ بھٹکل کے شعبہ ثانویہ دوم اور جامعہ اسلامیہ کارگدے ...

بھٹکل انجمن انجینئرنگ کالج کے فارغین کی دبئی میں نشست؛قائد قوم نے کہا؛ فارغین کا ساتھ ملا تو انجمن کی کامیابی یقینی

گذشتہ دنوں دبئی میں قائد قوم ڈاکٹر ایس ایم سید خلیل الرحمن صاحب کی رہائش گاہ پر بھٹکل انجمن انجنیرنگ کالج کے فارغین کی ایک خصوصی نشست منعقد ہوئی جس میں انجمن انجنیرنگ کالج کے اولین بیچBatch کے فارغین نے بھی شرکت کی ۔

ہاسن کے قریب ہوئے سڑک حادثہ میں گنگولی کے ایک ہی خاندان کے چار لوگ زندہ جل کر ہلاک

گنگولی کے گُجّاڈی کے رہنے والے ایک ہی خاندان کے چار افراد  ہاسن کے قریب چنّا رائے پٹن نامی مقام پر سڑک حادثہ میں زندہ جل کر ہلاک ہوگئے جن کی شناخت وویویک نائیک (38)، ان کی اہلیہ ریشما نائیک (34)، نو سالہ بچی وننتی اور پانچ سالہ بچہ ویگنیش کی حیثیت سے کی گئی ہے۔

ڈاکٹر کے ہریش کماراب اُترکنڑا کے نئے ڈپٹی کمشنر؛ ایس ایس نکول کا بنگلور تبادلہ

ضلع اُترکنڑا کے ڈپٹی کمشنر ایس ایس نکول کا بنگلور تبادلہ کرنے کے ساتھ ہی ڈاکٹر کے ہریش کمار کو ضلع کا نیا ڈپٹی کمشنر مقرر کیا گیاہے۔ بتایا گیا ہے کہ ریاست کے گورنر کے حکم پر ان دونوں کے تبادلے ہوئے ہیں۔