کاروار:17/اگست (ایس اؤنیوز)ضلع کو لاٹری سے پاک کرنے کے سلسلے میں ضلعی انتطامیہ اہم قدم اٹھاتے ہوئے ضلع ڈی سی کی صدارت میں انسداد لاٹری فلائنگ اسکواڈ تشکیل دیتے ہوئے ایس پی ، انکم ٹیکس معاون کمشنر سرسی اور معاون کمشنر پنشن کاروار کو ممبران کے طورپر شامل کیا گیاہے۔

ضلع کی ترقی کے نام پر، انعامی منصوبہ جات کے بہانے ، ہبا تہوار اتسوا پروگرام کے موقعوں پر لاٹری شائع کرنا ، فروخت کرنا اور خریدنا بھی جرم ہے ۔ اس طرح کی غیر قانونی لاٹریوں کو شائع کرکے فروخت کرتے ہوئے دیکھا گیا تو عوام فوری طورپر قریب کے پولس تھانے کو اطلاع دے سکتے ہیں۔ جس کے تحت متعلقہ افراد پر کارروائی کرنے کے لئے پولس محکمہ کو ہدایات جاری کی گئیں۔ ایسے موقعوں پر کسی لالچ اور ہوس میں مبتلا نہ ہونے کی عوام کو تاکید کی گئی ہے۔ جوا کھیلنا، بین ریاستی لاٹریوں کی بیچنا ، خریدنا، پرنٹ کرنا ممنوع ہے ، اس طرح کے کاموں میں ملوث افراد کے خلاف قانونی کارروائی کے لئے پولس محکمہ سے کہا گیا ہے ۔ ضلعی عوام اس سلسلے میں بیدار رہنے کی اپیل کی گئی ہے۔

روزناموں اور الکٹرانک میڈیاسے بھی اپیل کی گئی ہے کہ غیر رجسٹرڈ شدہ لاٹریوں کے ڈرا نتائج کو شائع نہ کریں۔ اگر کسی اخبار یا چینل نتائج کو شائع کرتاہے تو غیر قانونی لاٹریوں کا تعاون کرنے کے مترادف ہوگا اس لئے اس سلسلے میں چوکنا رہنے کی بات ڈی سی ، ایس ایس نکول نے کہی ہے۔