کاروار:15/جون (ایس اؤنیوز)درستی کے لئے شوروم میں کھڑی گئی کار لاپتہ ہونے اور اسی کار کو ایک انجان شخص لے کر فرار ہونے  کا واقعہ شہر کے کوڑی باگ میں واقع کانچن ہونڈئیے شوروم میں پیش آیا ہے۔

شہر میں تدریس کی خدمات انجام دینے والے استاد اگیان دیو گاؤنکر نے اپنی سینٹرو کار کوڑی باگ کے کانچنا ہونڈئیے شوروم سے خریدنے کے بعد ہمیشہ اسی شوروم میں سرویسنگ کراتے تھے۔ سرویسنگ کے لئے شوروم کو فون سے رابطہ کرنےکے بعد شوروم کا میکانک گھر آکر کار لے جاتا اور دوسرے دن سرویسنگ کے بعد لے جاتے ، حسب معمول اس مرتبہ بھی اگینان دیو نے کار سرویسنگ کے لئے شوروم سے رابطہ کیا ت منگل کو میکانک گھر آکر کار لے گیا۔ لیکن اسی دن شام میں شوروم سے اگینان دیو کو فون پر بتایا گیا کہ تمہاری کار کوئی لے گیا ہے شاید آپ کا بیٹاہوگا۔ اطلاع پاتے ہی کار مالک حیر ت میں پڑگئے اور شوروم پہنچ کر دیکھاتو کار غائب تھی۔

استاد اگینان دیو نے کارلاپتہ ہونے کولے کر پولس تھانے میں شکایت درج کرنے کی غرض سے کاروار کے سی پی آئی سے ملاقات کرتے ہوئے ماجرا سنایا۔ سی پی آئی کی طرف سے دی گئی جانکاری پاکر اُڈپی سے کانچنا ہونڈئیے شوروم کے آئی جی ایم کاروار پہنچ کر سی پی آئی کے دفتر میں استاد اگینان دیو سے بات چیت کرتے ہوئے کہاکہ کیس داخل کرنےکی ضرورت نہیں ہے ، جب تک آپ کی کار نہیں ملے گی آپ کو نئی کار استعمال کے لئے دی جائے گی ، آپ سہ پہر 3بجے کوڑی باگ شوروم آنے کے لئے کہا۔اگینان دیو 3بجے شوروم پہنچے تو آئی جی ایم غیر حاضر تھے، شاخ کے مینجر سے پوچھا گیاتو انہوں نے بتایا کہ آئی جی ایم اُڈپی چلے جانےکی خبر ملی۔ مشتعل ہوئے اگینان دیو نے شوروم میں ہی دھرنا دینا طئے کرتے ہوئے اپنے قریبی لوگوں اور مادھونایک کو بلا بھیجا۔ مادھونایک نے کانچنا شوروم کے مالک سے بات چیت کرتے ہوئے کہا کہ اپنے گاہک سے آپ انصاف کریں۔ تو شوروم مالک نے کہاکہ اگلے 2دنوں میں کار نہیں ملی تو انہیں نئی کار دینے کا وعدہ کیا۔ لیکن کارمالک اگینان دیو نے اپنی کار لاپتہ ہونے کو لے کر پولس تھانے میں شکایت درج کرنےکی بات کہی ہے۔

موصولہ اطلاعات کے مطابق شوروم کے سامنے کھڑی کار کے نزدیک ایک انجان شخص آتاہے اور کار پر ہاتھ رکھ کر شوروم میکانکس سے پوچھتا ہے کہ کیا کارکی درستی ہوگئی ۔ شوروم سپروائزر نے انجان شخص کو کارمالک سمجھ کر کہتاہے کہ نہیں صاحب! کار کااسٹارٹر خراب ہوگیاہے، کل اس کو ٹھیک کردیں گےکہا۔ اس شخص نے بے اطمینانی کا اظہار کرتے ہوئے کہاکہ کیا کار اسٹارٹ نہیں ہوگی؟۔سوپروائزر نے کہاکہ تھوڑا دھکیلیں تو اسٹارٹ ہوجائے گی۔ اوکے، ٹھیک ہے تم تھوڑا دھکا دو، فی الحال میں کار لے جاتاہوں اور کار کو کل لاتا ہوں تب مرمت کرنا۔ اتنا کہنے کے بعد شوروم میں موجود تین چار میکانک نے کار کو دھکا دیا ، انجان شخص کار لے کر فرارہونے کی بات کہی جارہی ہے۔