بھٹکل جالی پٹن پنچایت کی طرف سے رکن اسمبلی کو دیاگیا میمورنڈم ۔10کروڑ روپے منظور کرانے کی اپیل 

Source: S.O. News Service | By Shahid Mukhtesar | Published on 2nd December 2018, 9:59 PM | ساحلی خبریں | ان خبروں کو پڑھنا مت بھولئے |

بھٹکل 2؍دسمبر (ایس او نیوز) رکن اسمبلی سنیل نائک کو جالی پٹن پنچایت کی جانب سے ایک میمورنڈم دیتے ہوئے اپیل کی گئی ہے کہ روزانہ 4ملین لیٹر پینے کا پانی فراہم کرنے لائق منصوبے کو منظوری دی جائے  اور علاقے کے عوام کو راحت دلائی جائے۔

میمورنڈم میں کہا گیا ہے کہ 2015-16میں جالی گرام پنچایت کا درجہ بڑھاتے ہوئے اسے پٹن پنچایت میں تبدیل کردیا گیا ہے ۔ اس علاقے کی آبادی فی الحال 19362افراد پر مشتمل ہے۔جبکہ گرام پنچایت میں آبادی 10تا 12ہزار کے قریب تھی۔ اس وقت یہاں 1MLDپینے کے پانی سپلائی کا منصوبہ بنایا گیا تھا۔لیکن اب موجودہ آبادی کے حساب سے 2.57MLD پانی کی فراہمی کرنا ضروری ہوگیا ہے۔اور آئندہ 20برسوں میں یہاں 4MLD پانی کی ضرورت پیش آنے کا اندازہ لگایا گیا ہے۔ فی الحال پانی سپلائی کرنے والے پائپ کا جو نظام یہاں موجود ہے اس کی وجہ سے اونچائی والے علاقوں میں پانی کی فراہمی بھی مشکل ہوگئی ہے۔اس لئے پانی سپلائی کرنے والے ان نلوں کو بھی بدلنے کی ضرورت ہے۔

ان سب وجوہات کے پیش نظر رکن اسمبلی سے گزارش کی گئی ہے کہ وہ جالی پٹن پنچایت علاقے میں 4MLDپانی فراہمی کے منصوبے کے لئے حکومت کے پاس سفارش کریں اور جالی کے عوام کو راحت پہنچانے کا کام کریں۔

اس کے علاوہ ایک اور میمورنڈم دیتے ہوئے رکن اسمبلی سے مانگ کی گئی ہے کہ جالی پٹن پنچایت علاقے میں عوام کو بنیادی سہولتیں فراہم کرنے کے لئے ایس ایف سی فنڈ سے خصوصی گرانٹ منظور کی جائے۔میمورنڈم میں کہا گیا ہے کہ جالی پٹن پنچایت کے علاقے میں ترقیاتی کام بہت ہی سست رفتاری سے ہوئے ہیں۔یہاں کے عوام بنیادی سہولتوں سے محروم ہیں۔چونکہ اس گرام پنچایت کو پٹن پنچایت کا درجہ ابھی حال ہی میں دیا گیا ہے اس لئے یہاں کے عوام کو تمام ضروری سہولتیں فراہم کروانا پنچایت کی ذمہ داری ہے۔پہلے سے جو بھی سہولتیں یہاں دستیاب ہیں وہ گرام پنچایت سطح کی ہیں۔ اب اس میں ترقی کرنا اور معیار کو بڑھا نا لازمی ہے۔ چاہے وہ پینے کے پانی کا مسئلہ ہو، سڑکوں پر روشنی کا نظام ہو، سڑکوں کی تعمیر ہو یا گند ے پانی کی نکاسی کا نظام وغیرہ ہو، سب کچھ درست کرنا اور پٹن پنچایت کے تقاضوں کے مطابق کرنا ضروری ہے۔ فی الحال جو بھی گرانٹ پٹن پنچایت کو مل رہی ہے وہ ترقیاتی کاموں کے لئے بہت ہی ناکافی ہے۔جس کی وجہ سے یہاں ترقیاتی کام انجام دینا ممکن نہیں ہورہا ہے۔

جن علاقوں میں جس قسم کے بھی ترقیاتی کام ضروری ہیں ان کی تفصیلات میمورنڈم میں بیان کرتے ہوئے ایس ایف سی فنڈ سے 10کروڑ روپے گرانٹ جاری کرنے کا مطالبہ کیا گیا ہے۔

ایک نظر اس پر بھی

جنوبی کینرا ایم پی نلین کمار کٹیل نے کی مہاتما گاندھی کے قاتل ناتھو رام گوڈسے کی حمایت

بھوپال سے بی جے پی کی پارلیمانی امیدوار پرگیہ سنگھ ٹھاکور نے مہاتما گاندھی کے قاتل ناتھو رام گوڈسے کی ستائش کرتے ہوئے کہا تھا کہ وہ ایک اصلی دیش بھکت تھا۔ اس متنازعہ بیان کی ہرطرف سے مذمت ہورہی تھی مگراس کی حمایت میں اب ضلع جنوبی کینرا کے ایم پی نلین کمار کٹیل اور ضلع شمالی ...

سی پی آئی ایم کارکن قتل معاملے میں آر ایس ایس اور بی جے پی کے 7کارکنان کوسزائے عمر قیداورفی کس 1لاکھ روپے جرمانہ

کمیونسٹ پارٹی آف انڈیا (ماکسسٹ) کے پی پویتھرن نامی کارکن کوقتل کیے جانے کے 12سال بعد اس جرم کا ارتکاب ثابت ہونے پر آر ایس ایس اور بی جے پی سے تعلق رکھنے والے 7کارکنان کو عدالت نے عمر قید کی سزا سنائی ہے۔

بھٹکل میونسپالٹی انتخابات کے لئے51 اُمیدواروں نے داخل کیا پرچہ نامزدگی؛ 9 اُمیدوار بلامقابلہ منتخب ہونا طئے؛ 29 مئی کو ہوں گے انتخابات

بھٹکل میونسپالٹی کے لئے 29 مئی کو ہونے والے انتخابات میں جملہ 23 سیٹوں کے لئے 51 اُمیدواروں نے  53 پرچہ نامزدگیاں داخل کی ہیں۔ جمعرات کو پرچہ داخل کرنے کی آخری تاریخ تھی جس کے ساتھ ہی  یہ صاف ہوگیا ہے کہ جملہ 23 سیٹوں میں  سے 9 سیٹوں پر کوئی مقابلہ نہیں ہوگا کیونکہ ان سیٹوں  پر صرف ...

منکی میں عورت اور اُس کی دو بیٹیوں کی نعشیں ملنے کا معاملہ؛ ہوگئی شناخت ؛ کیا اُس کے شوہر نے ہی ان تینوں کا قتل کرایا ؟

قریبی علاقہ منکی میں گذشتہ روز ایک خاتون اور دو لڑکیوں کی نعشیں  سمندر کنارے برآمد ہوئی تھیں، جس کے تعلق سے شبہ ظاہر کیا جارہا تھا کہ انہوں نے خودکشی کی ہوگی، مگر اس معاملے میں ایک نیا موڑ آگیا ہے جس کے مطابق  گمان کیا جارہا ہے کہ اُسی کے شوہر نے  اُس کا قتل کیا ہے۔

بنگلور میں 23/ مئی کو ووٹوں کی گنتی کے دوران امتناعی احکامات نافذ

23 مئی کو لوک سبھاانتخابات کے نتائج کا اعلان ہورہا ہے۔ انتخابات کے نتائج ظاہر ہونے کے مرحلے میں کوئی ناخوشگوار صورتحال پیدا نہ ہونے پائے اس کے لئے شہر کے پولیس کمشنر سنیل کمار نے 23مئی کی صبح چھ بجے سے شہر بھر میں امتناعی احکامات نافذ کرنے کا اعلان کیا ہے۔

بلدی انتخابات کے لئے 5945 نامزدگیاں داخل

ریاست بھر کے بلدی اداروں کے لئے 29 مئی کو ہونے والے انتخابات میں حصہ لینے کے لئے نامزدگیوں کے اندراج کی تاریخ کل ختم ہونے کے بعد جملہ 5945 نامزدگیاں داخل کی گئی ہیں۔

مودی کی اقتدار میں واپسی کے تمام راستے بند: راہل گاندھی

 کانگریس کے صدر راہل گاندھی نے حزب اختلاف کے طور پر کانگریس کی کارکردگی کو کامیاب بتاتے ہوئے کہا ہے کہ گزشتہ پانچ برسوں کے دوران پارٹی نے مؤثر طریقہ سے عوام کے مسائل کو اٹھایا ہے اور وزیر اعظم نریندر مودی کو دوبارہ اقتدار میں آنے سے روکنے کے لئے ان کے تمام راستے بند کر دئے گئے ...