بھٹکل سمیت ریاست کے مختلف مقامات پر بادلوں کی گرج اور بجلیوں کی کڑک کے ساتھ زبردست بارش۔بھاری جانی ومالی نقصان

Source: S.O. News Service | By Shahid Mukhtesar | Published on 14th May 2018, 11:48 AM | ساحلی خبریں | ریاستی خبریں |

بھٹکل 14؍مئی (ایس او نیوز) مانسون سے پہلے بادلوں کی گرج اور بجلیوں کی کڑک کے ساتھ بھٹکل سمیت ریاست کے مختلف مقامات پر زبردست بارش ہونے کی خبریں موصول ہوئی ہیں۔

بھٹکل میں رات 10بجے کے قریب بڑے ہی خوفناک انداز میں بادلوں کی گرج شروع ہوئی اس کے ساتھ ہی دل دہلانے والی بجلیوں کی کڑک سے پورا شہر لرز اٹھا۔ اسی کے ساتھ حالانکہ شہر بھر میں الیکٹری سٹی منقطع ہوگئی مگر تیز بارش کی وجہ سے عوام کو سخت گرمی سے وقتی طور پر نجات مل گئی ۔

بیلگاوی سے ملنے والی اطلاع کے مطابق وہاں اتوار کی شام سے ہی تیز اور موسلا دھار بارش کا سلسلہ شروع ہوگیا تھا جس کے نتیجے میں 20سے زائد درخت اپنی جڑوں سے اکھڑ گئے اور عام زندگی بہت زیادہ متاثر ہوئی۔جبکہ ہبلی دھارواڑ اور اطراف میں کم مقدار میں بارش ہوئی۔ہاسن ضلع سے خبر ملی ہے کہ وہاں پر آلور نامی مقام پر ننگ راجو (۵۰سال) نامی ایک شخص جنگل سے گھر لوٹتے وقت بجلی گرنے سے ہلاک ہوگیا۔ریاست کے بعض دیگر مقامات پربھی بجلی گرنے سے اور بھی لوگوں کے ہلاک ہونے کی خبریںآ رہی ہیں۔چنیا رائے پٹنا میں تیز بارش کی وجہ سے کارسڑک کنارے نالے میں گرنے سے چار افراد زخمی ہوگئے ہیں۔اسی طرح بنگلورو میں اتوار کے دن دوپہر سے ہی تیز برسات شروع ہوگئی جس کی وجہ سے اہم سڑکوں اور جنکشنس وغیرہ پر پانی جمع ہوگیا جس سے ٹریفک میں خلل واقع ہوگیا۔

محکمہ موسمیات کی طرف سے بتایا گیا ہے کہ ریاست میں گزشتہ دو دنوں سے برسنے والی برسات کی وجہ سے میسور، گدک، کلبرگی،وجیاپور، رائچور، ہاویری،چکمگلورو،کولار، بلاری، منڈیا وغیرہ کے علاقوں میں درجۂ حرارت 1تا2ڈگری کم ہوگیا ہے۔ ضلع شمالی کینرا میں 66.8ملی میٹر بارش ریکارڈ کی گئی ہے۔ اس کے علاوہ اس بات کی بھی اطلاع دی گئی ہے کہ مزید دو تین دنوں تک ریاست کے مختلف مقامات پر زوردار بارش ہونے کے امکانات ہیں۔

ایک نظر اس پر بھی

ساحلی کینرا میں کچھ لمحوں کے لئے بادلوں کی گرج کے ساتھ بارش؛ کمٹہ میں بجلی گرنے سے ایک مکان منہدم؛ تین شدید زخمی

کل شام کو کچھ دیر کے لئے ہوئی بادلوں کی گرج کے درمیان زوردار بارش سے ساحلی کینرا میں گرمی کا زور ٹوٹ گیا ہے اور لوگوں نے گرمی سے نجات ملنے پر راحت کی سانس لی ہے، البتہ  کمٹہ تعلقہ کے  برگی دیہات میں بجلی گرنے سے ایک مکان  کو شدید نقصان پہنچا ہے اور دیواریں گرنے سے گھر کے اندر ...

منگلورو: ایس ایس ایل سی امتحان میں طالب علم کوملے انگلش مضمون میں59 کی جگہ 97 مارکس!

ایس ایس ایل سی اور پی یو سی وغیرہ کے پبلک امتحانات میں پرچہ جانچنے یا پھر مارکس اینٹری کرنے میں گڑ بڑ کے معاملات ہر سال سامنے آتے رہتے ہیں۔امسال بھی منگلورو سے ملنے والی ایک خبر کے مطابق سینٹ ایلوشیئس ہائی اسکول کوڈیال بیل کے ایک طالب علم ایلسٹائر کیوین بنگیرا کے ساتھ بھی ایسا ...

بی جے پی کے والک آوٹ اور کافی ہنگامہ آرائی کے درمیان کرناٹکا کے وزیراعلیٰ کماراسوامی نے اپنی اکثریت ثابت کرتے ہوئے فلور ٹیسٹ میں پائی کامیابی

کرناٹک ودھان سبھا میں فلورٹیسٹ کے دوران  کافی ہنگامہ آرائی اور بی جے پی اراکین کے والک آوٹ کے درمیان  کرناٹک کے نو منتخب وزیراعلیٰ کماراسوامی نے  فلور ٹیسٹ میں اپنی اکثریت ثابت کردی۔  کانگریس۔جے ڈی ایس گٹھ بندھن کو 117 ووٹ پڑے۔اس کے ساتھ ہی اب کرناٹک میں سیاسی ڈرامے بازی ...

گوا میں اتحادی جز گووا فارورڈ پارٹی کی دھمکی

بی جے پی کی قیادت والی گووا حکومت کا ایک جز گووا فارورڈ پارٹی نے آج کہا ہے کہ اگر ریاست میں جاری موجودہ کان کنی کے بحران کا حل نہیں ہوا تو وہ اگلے لوک سبھا انتخابات میں زعفرانی پارٹی کی حمایت نہیں کرے گی۔