وزیر ماہی گیری وینکٹ راؤ ناڈگوڈا کی بھٹکل سمیت اُترکنڑا میں لاپتہ مچھیروں کے اہل خانہ سے ملاقات۔اسرو اور گوگل کی مدد لئے جانے کا اعلان

Source: S.O. News Service | By I.G. Bhatkali | Published on 10th January 2019, 12:55 PM | ساحلی خبریں | ریاستی خبریں |

بھٹکل 10جنوری (ایس او نیوز) پچھلے تقریباًچار ہفتوں سے سمندر میں ماہی گیر کشتی سمیت سات لاپتہ ہونے والے مچھیروں کے اہل خانہ سے ریاستی وزیر ماہی گیری وینکٹ راؤ ناڈ گوڈا نے ملاقات کی، جس کے دوران انہوں نے اس بات کا اعلان کیا کہ لاپتہ کشتی کا سراغ لگانے کے لئے اِسرو اور گوگل کی مدد لی جارہی ہے اور حیدرآباد میں واقع ان دفاتر سے رابطہ کیا گیا ہے۔

کمٹہ، ہوناور اور بھٹکل میں ماہی گیروں کے گھروں میں  پہنچ کر وزیرموصوف نے  اُنہیں دلاسہ دلاتے ہوئے حکومت کی جانب سے ایک ایک  لاکھ روپئے معاوضہ دئے جانے کا بھی اعلان کیا اور  گھروالوں کو یقین دلایا کہ حکومت اپنی جانب سے متعلقہ مچھیروں کو تلاش کرنے ہر طرح کے اقدامات کررہی ہے۔

کمٹہ، ہوناور اور بھٹکل میں متاثرہ گھروالوں سے ملنے کے بعد وزیرماہی گیری جب  اُڈپی کے  ملپے میں متاثرہ ماہی گیر خاندان والوں سے ملاقات کے لئے پہنچے تو  اس موقع پر مقامی ماہی گیروں نے اتنے دنوں تک متاثرہ ماہی گیروں کے اہل خانہ سے ملاقات نہ کرنے پر وزیر موصوف کو آڑے ہاتھوں لیا اور پوچھا کہ وہ اتنے دنوں تک کہاں سو گئے تھے اور اب یہاں کس لئے آئے ہیں۔ وزیر ماہی گیری ناڈ گوڈانے کہا کہ تلاشی مہم ان کے منصبی فرائض میں شامل نہیں ہے۔ اس کے لئے محکمہ پولیس، کوسٹل سیکیوریٹی پولیس اور دیگر محکمہ جات کے ذمہ داران اپنے طور پر کام کررہے ہیں۔ریاستی حکومت لاپتہ کشتی اور ماہی گیروں کو تلاش کرنے کے لئے اپنے اپنے طور پر ہر طرح  سے پوری کوشش کررہی ہے۔بحریہ سے متعلق افسران گوا اور مہاراشٹرا میں تلاشی مہم میں لگے ہوئے ہیں۔

وزیر موصوف نے   کہا کہ کوسٹ گارڈ تلاشی مہم کے لئے ہاور ایئر کرافٹس، ڈونیئر ایئر کرافٹس اور ہیلی کاپٹروں کا سہارا لے رہی ہے۔ حکومت نے اِسرو سے بھی درخواست کی ہے کہ وہ سیٹلائٹ کے ذریعے سروے کرکے گم شدہ افراد اور کشتی کو تلاش کرنے میں مدد کرے۔ اس کے علاوہ بھی اگر کسی کے پاس کوئی تدبیر ہوتو وہ ہمیں بتائے ہم اس پر بھی عمل کریں گے۔

اس موقع پر رمیش نامی ماہی گیر نے کہا کہ  ہمیں مرکزی حکومت پر دباؤ بنانا چاہیے تاکہ تلاشی مہم میں تیزی لائی جاسکے۔ رمیش کے مطابق ساحلی کشتیوں پر حملہ کیے جانے کے امکانا ت ہیں۔رمیش نے بتایا کہ  مجھے پورا شک ہے کہ انہیں مسجد میں (اغواکرکے) رکھا گیا ہے۔حکومت کو چاہیے کہ جدید ٹیکنالوجی کا استعمال کرے۔ اگر حکومت فوجی طاقت استعمال کرے گی تو مجھے یقین ہے کہ لاپتہ ماہی گیروں کا پتہ چل جائے گا۔

اس کے جواب میں وزیر ماہی گیر ی نے کہا کہ میں تمہارے مشوروں کو قبول کرتا ہوں۔ ہم نے کیا کوشش کی ہے اس کے تمام دستاویزی ثبوت  ہمارے پاس موجود ہیں۔ہم نے سمندر میں ہی نہیں بلکہ زمین پر بھی تلاشی مہم چلائی ہے۔ہم کو بھگوان پر بھروسہ رکھنا چاہیے ۔ وہ ہمیں سیدھا راستہ دکھائے گا۔ایک اور لاپتہ ماہی گیر دامودر کے گھروالوں نے کہا کہ ہمیں ہمدردی اور رحم کی نہیں بلکہ لاپتہ ماہی گیروں کو زندہ ڈھونڈ نکالنے کی ضرورت ہے، کیونکہ وہی ہمارے لئے روزی روٹی کمانے کا سہارا ہیں۔

متاثرہ خاندانوں سے ملاقات کے بعد وزیر ناڈ گوڈا نے ڈپٹی کمشنر کے دفتر میں جائزاتی میٹنگ بھی منعقد کی ۔ 

خیال رہے کہ 13/ڈسمبر کو سات ماہی گیر "سورنا تریبھوجا" نامی بوٹ پر سوار ہوکر ضلع اُڈپی کے ملپے بندرگاہ سے ماہی گیری کے لئے نکلے تھے، 15 ڈسمبر تک وہ  دیگر کشتیوں کے ماہی گیروں سے رابطہ میں تھے، مگر اچانک پھر رابطہ منقطع ہوگیا، اُس وقت سے لے کر اب تک ان کی کشتی کا کوئی پتہ نہیں چل پایا ہے۔ کشتی پر سوار سات ماہی گیروں میں دو کا تعلق بھٹکل، دو کا کمٹہ،  دو کا ملپے اور ایک کا تعلق منکی سے ہے۔
 

ایک نظر اس پر بھی

ہندو لیڈر سورج نائک سونی نے اننت کمار ہیگڈے کو کہا،مودی حکومت کا داغدار وزیر؛ اُس کی مخالفت میں کام کرنے کے لئے نوجوانوں کی ٹیم تیار

ضلع شمالی کینرا میں ایک نوجوان ہندو لیڈر کے طور پر اپنی پہچان رکھنے والے کمٹہ کے سورج نائک سونی نے اخباری کانفرنس سے خطاب کرتے ہوئے کہا کہ’’ وزیر اعظم نریندر مودی کی قیادت میں چل رہی مرکزی حکومت میں اننت کمار ہیگڈے کی حیثیت ایک داغداروزیر کی ہے۔ اور ایسا لگتا ہے کہ انہیں ...

منگلورو میں تیز رفتار بس کی ٹکر سے ایک پولیس کانسٹیبل ہلاک

گورپور علاقے میں ایک تیز رفتار پرائیویٹ ایکسپریس بس کی ٹکر سے ایک پولیس کانسٹیبل ہلاک ہوگیا ہے جس کی شناخت دیوی نگر کے رہنے والے مہیش لمانی کے طور پر کی گئی ہے۔مہیش فی الحال شہر کے آئی جی دفتر میں فرائض انجام دے رہاتھا۔

گنگولی توحید انگلش میڈیم اسکول میں والدین و سرپرستوں کے ساتھ انتظامیہ کی نشست  کا انعقاد

اسکول کے تعلیمی اصول وضوابط، سالانہ امتحانات کی تیاری جیسے اہم تعلیمی سرگرمیوں سے والدین و سرپرستوں کو واقف کرانے کے لئے 16مارچ برو ز سنیچر  ٹھیک 30-10بجے اسکول کے وسیع ہال میں ایک اہم نشست کا انعقاد کیاگیا ۔

بھٹکل کے بیلکے نوج علاقے میں غیر قانونی شراب ضبط

تعلقہ کے بیلکے گرام  پنچایت حدود کے نوج دیہات کے گنجی گیری فاریسٹ علاقے میں چھپا کر رکھی ہوئی 122لیٹر دیسی  کچی شراب  اور 2لیٹر دیسی  شراب بھٹکل ایکسائز افسران نے بدھ کی دوپہر ضبط کرلینے کا واقعہ پیش آیا ہے۔

ہندو لیڈر سورج نائک سونی نے اننت کمار ہیگڈے کو کہا،مودی حکومت کا داغدار وزیر؛ اُس کی مخالفت میں کام کرنے کے لئے نوجوانوں کی ٹیم تیار

ضلع شمالی کینرا میں ایک نوجوان ہندو لیڈر کے طور پر اپنی پہچان رکھنے والے کمٹہ کے سورج نائک سونی نے اخباری کانفرنس سے خطاب کرتے ہوئے کہا کہ’’ وزیر اعظم نریندر مودی کی قیادت میں چل رہی مرکزی حکومت میں اننت کمار ہیگڈے کی حیثیت ایک داغداروزیر کی ہے۔ اور ایسا لگتا ہے کہ انہیں ...

کرناٹک میں نوٹیفکیشن کے پہلے دن 6؍امیداروں کی نامزدگیاں داخل 

ریاست میں لوک سبھا الیکشن کے پہلے مرحلہ میں 14؍سیٹوں پر 18؍اپریل کو ہونے والے الیکشن کے لئے پرچہ نامزدگی کرنے کا آغاز ہوگیا ۔ پہلے دن چار حلقوں میں6؍ امیدواروں کی جانب سے 11؍ مزدگیاں داخل کئیں۔ یہ اطلاع ریاستی الیکشن افسر سنجیو کمار نے دی۔

بنگلورو کے تینوں پارلیمانی حلقوں میں ڈی سی پیز کی زیرنگرانی سخت بندوست لائسنس یافتہ 7؍ہزار ہتھیارات تحویل میں :پولیس کمشنر ٹی۔ سنیل کمار

پولیس کمشنر ٹی۔ سنیل کمار نے بتایا کہ بنگلور سنٹرل ،بنگلور نارتھ اور بنگلور ساؤتھ لوک سبھا حلقوں میں ہونے والے پارلیمانی انتخابات کے لئے ڈپٹی کمشنر آف پولیس (ڈی سی پی) سطح کے پولیس افسروں کی نگرانی میں پولیس کا سخت بندوبست کیاگیا ہے۔

کرناٹک میں انتخابات متحد ہوکر لڑنے کانگریس جے ڈی ایس کا فیصلہ 

اگلے لوک سبھا انتخابات کی تیاریوں کے درمیان کانگریس اور جے ڈی ایس کو مقامی سطحوں پر جن مشکلوں کاسامنا کرنا پڑرہاہے ان سے نپٹنے اور متحد ہوکر انتخابات لڑنے کے ساتھ ریاست میں زیادہ سے زیادہ سیٹوں پر کامیابی حاصل کرنے کے لیے آج کانگریس اور جے ڈی ایس قائدین کااعلیٰ سطحی اجلاس ہوا۔ ...

دھارواڑمیں زیر تعمیر عمارت گر گئی ، 2افراد ہلاک ، کئی زخمی 

دھارواڑ میں زیر تعمیر 5منزلہ عمارت بیٹھ گئی جس کے سبب 2افراد ہلاک اورکئی افراد کے زخمی ہونے کی اطلاع ملی ہے ۔ اس حادثے میں سلیم مکاندار (28)ہلاک ہوگئے ہیں ۔ دھارواڑ کے کمار میشورنگر میں زیر تعمیر کامپلکس گرگیا۔ ملبے کے نیچے دبے ہوئے افراد کو باہر نکالنے کے لیے محکمۂ پولیس ، فارئر ...