منگلورو: لفٹ میں پھنس کر 7سالہ بچے کی ہلاکت۔ ہاوسنگ سوسائٹی انتظامیہ کے خلاف کیس درج

Source: S.O. News Service | By I.G. Bhatkali | Published on 25th August 2018, 11:11 PM | ساحلی خبریں | ان خبروں کو پڑھنا مت بھولئے |

منگلورو25؍اگست (ایس او نیوز)کدری پولیس نے اس اپارٹمنٹ منیجمنٹ کے خلاف آئی پی سی کی دفعہ 304a(کسی کی غفلت کے نتیجے میں موت)کا کیس درج کرلیا ہے جہاں پر 24اگست کو لفٹ میں پھنسنے کی وجہ سے 7سالہ بچے محمد سنان کی موت واقع ہوگئی تھی۔

بتایا گیا ہے کہ معصوم سنان کے والد خلیجی ملک میں مقیم ہیں۔ بچے ماں 24اگست کی شام کو کہیں جانے کے لئے اپنے تین بچوں کے ساتھ گھر سے باہر نکلی اور دروازے پر قفل لگارہی تھی کہ سنان دوڑ کر لفٹ میں گھس گیا۔ مگر جیسے ہی وہ اندرداخل ہوا لفٹ چل پڑی تو سنان کا سر دروازے میں پھنس کر رہ گیا۔ بچہ مدد کے لئے چلانے لگااور اپارٹمنٹ کے دیگر لوگ مدد کے لئے دوڑ پڑے ۔ لوگوں نے بڑا زور لگاکر لفٹ کا دروازہ کھولتے ہوئے بچے کو باہر تو نکال لیا مگر تب تک اس کی موت واقع ہوچکی تھی۔ اپارٹمنٹ میں رہنے والوں کا کہنا ہے کہ لفٹ بہت ہی پرانی چکی تھی اور کسی خرابی کی وجہ سے وہ اچانک چل پڑی جس سے یہ حادثہ ہوگیا۔

پی ڈبلیو ڈی اور میسکام کے افسران نے اپارٹمنٹ میں پہنچ کراپارٹمنٹ کے رکھ رکھاؤ اور لفٹ کا معائنہ کیا۔ پولیس مزید اقدامات کے لئے ان دونوں محکمہ جات کی رپورٹ کا انتظار کررہی ہے۔

ایک نظر اس پر بھی

منگلورو کے گمشدہ نوجوان کی لاش تملناڈو میں دستیاب۔ قتل کیے جانے کا شبہ

گنجی مٹھ کے رہنے والے سمیر (35سال) کے والد احمد نے پولیس میں گم شدگی کی شکایت درج کی گئی تھی اور بتایا گیا تھا کہ اپنی بیوی ا وربچی کو ساتھ لے کر ہوائی جہاز کے ذریعے بنگلورو جانے کے بعد وہ لاپتہ ہوگیا ہے اور اس کی بیوی ااپنی بچی کے ساتھ کاپ میں واقع اپنے مائیکے واپس پہنچ گئی تھی۔

پٹرول ڈیزل کی قیمتوں میں اضافہ بدستور جاری

پٹرول ڈیزل کی قیمتوں میں آج ایک بار پھر اضافہ ہوا ہے۔پٹرول 17 پیسے اور ڈیزل 10 پیسے مہنگا ہوا ہے۔اضافے کے بعد راجدھانی دہلی میں ایک لیٹر پیٹرول کی قیمت 82.61 روپے فی لیٹر ہو گئی ہے۔وہیں ڈیزل 73.97 روپے فی لیٹر ہو گئی۔ راجدھانی دہلی میں کل پٹرول 82.44 روپے فی لیٹر اور ڈیزل 73.87 روپے فی لیٹر ...

روپے کی قدر میں گراوٹ:سستاحج کرانے کادعویٰ بھی فرضی؟ حجاج کرام پر بوجھ میں اضافہ ،مزید پیسے وصولے جاسکتے ہیں

سرکارایک طرف دعویٰ کررہی ہے کہ اس نے اس بارسستاحج کرایاہے ۔لیکن اب روپیے کی گراوٹ کی وجہ سے پھرحاجیوں سے وصولی کی جائے گی ۔عالمی بازار میں ڈالر کے مقابلے ہندوستانی کرنسی کی قدر میں ہورہی گراوٹ کی وجہ سے اب حجاج کرام پر مزید بوجھ پڑنے والاہے۔