پتور 7؍جنوری (ایس او نیوز) ریاستی وزیر اعلیٰ کی پتور آمد کے پس منظر میں بی جے پی کی جانب سے انہیں کالی جھنڈیاں دکھانے کی تیاری کی گئی تھی۔پولیس نے اس موقع پر بی جے پی لیڈران کو اپنی حراست میں لے لیا اور پھر بعد میں انہیں رہا کردیا گیا۔

موصولہ رپورٹ کے مطابق پتور کے سینٹ  فیلو مینا میدان میں وزیراعلیٰ کے لئے ہیلی پیڈ بنایاگیا تھا۔ جیسے ہی وزیراعلیٰ کا ہیلی کاپٹر لینڈہوا اور وزیرا علیٰ باہر نکلے تو سنیجو ماٹھندور اور دیگر بی جے پی لیڈران کالی جھنڈیاں لے کر آگے بڑھے ۔ پولیس نے فوری طور پر سنجیو ماٹھندور، مرلی کرشنا ہاسنتڈکا، چنیل تھیمپا شیٹی، جیویندر جین سمیت 20افراد کو اپنی تحویل میں لے لیا ، مگر   تھوڑی دیر بعد رہا کردیا۔

اسی طرح بیلتھنگڈی میں بھی وزیراعلیٰ کی آمد پر بی جے پی نے کالے جھنڈے دکھاکر اپنا احتجاج درج کروایا۔پولیس نے اس سلسلے میں بی جے پی یووا مورچہ کے صدر شری ہریش پونجا، بی جے پی تعلقہ صدر رنجان جی گوڈا، یووا مورچہ تعلقہ جنرل سکریٹری رکشت شیٹی اور دیگر بی جے پی کارکنوں کو گرفتار کیا اور بعد میں کاغذی کارروائی کے بعد انہیں رہا کردیا۔