بھٹکل ودھان سبھا حلقہ کے لئے تینوں سیاسی پارٹیوں کے امیدواروں کا اعلان :منکال وئیدیا،سنیل نائک اور عنایت اللہ شاہ بندری کے درمیان مقابلہ

Source: S.O. News Service | By Abu Aisha | Published on 17th April 2018, 12:47 AM | ساحلی خبریں | ان خبروں کو پڑھنا مت بھولئے |

بھٹکل:16/اپریل (ایس او نیوزتوقع کے مطابق سنیچر کو جاری ہوئی کانگریس پارٹی کے  امیدواروں کی فہرست میں بھٹکل ودھان سبھا حلقہ سے کانگریس پارٹی نے آزاد امیدوار کے طورپر کامیاب ہوکر کانگریس میں شامل ہونے والے منکال وئیدیا کو ہی اپنا امیدوار بنایا ہے۔تو بی جے پی نے شرالی کے نوجوان لیڈر سنیل نائک کو ٹکٹ دیا ہے ۔ خیال رہے کہ اس سے پہلے جے ڈی ایس کی طرف سے عنایت اللہ شاہ بندری کو بطور امیدوار پہلے ہی سے میدان میں اُتارا جاچکا ہے۔ فی الحال حلقہ کی سیاسی صورت حال تکونے مقابلے کی ہے، مگر پرچہ نامزدگی کے بعد ہی صحیح صورت حال واضح ہوگی کہ  کس کس کے درمیان مقابلہ آرائی ہوگی ۔

ویسے دیکھا جائے تو حلقہ سے کانگریس ٹکٹ کے لئے منکال وئیدیا ہی واحد مضبوط دعویدار تھے ،دو ماہ پہلے ہی بھٹکل میں ہوئے جلسہ عام میں وزیرا علیٰ سدرامیا نے واضح اشارے دیتے ہوئے کہہ دیا تھا کہ ان ہی کو اُمیدوار بنایا جائے گا۔ تازہ حوالوں سے بات کہی جائے تو ٹکٹ کی تصدیق ہونے سے پہلے ہی منکال وئیدیا حلقہ کا ایک دورہ مکمل کرچکے ہیں۔ الگ الگ علاقوں ، دیہاتوں اور محلوں کے ذمہ داران سے رابطہ کرتے ہوئے  اُن کے مسائل کو حل کرنے کی  یقین دھانیاں کراتے ہوئے دیکھے جارہے تھے اور اپنے ووٹروں کو اپنے حق میں کرانے کے لئے خاموشی سے تشہیر بازی میں لگے ہوئے تھے۔

دوسری طرف بھٹکل سے بی جےپی امیدوار کو لے کر چہ میگوئیاں جاری تھیں اکثر کا کہنا تھا کہ سابق کانگریسی ایم ایل اے جے ڈی نائک کو ہی ٹکٹ دی جائے گی، اس طرح کی باتیں بھی کہی جارہی تھی کہ  جے ڈی نائک کو  ٹکٹ کے وعدے پر ہی بی جےپی میں شامل کیا گیا ہے ۔ لیکن شرالی کے سنیل نائک کو ہندو فائر برانڈ ایم پی ، مرکزی وزیر اننت کمار ہیگڈے کا ساتھ کام آیا ، اورایم پی کی بھرپور حمایت سے سنیل نائک آخری لمحات میں ٹکٹ حاصل کرنے میں کامیاب ہوگئے ۔ پیر کو جاری ہوئی بی جے پی کی دوسری فہرست میں بھٹکل سے سنیل نائک کو بی جے پی کا امیدوار بنایا گیا ہے۔ 

واضح رہے کہ جنتادل (ایس) کی جانب سے عنایت اللہ شاہ بندری کو پہلے ہی ٹکٹ دینے کاا علان کیا جاچکا ہے اور عنایت اللہ شاہ بندری کے تعلق سے سننے میں آیا ہے کہ وہ شراوتی پٹی کے علاقوں میں اپنے حق میں تشہیر ی کام میں لگے ہوئے ہیں ۔

ایک نظر اس پر بھی

ہوناور:پریش میستاکی پراسرار موت کے معاملے میں نیا خلاصہ۔ واردات سے پہلے بند کردیا گیا تھا سی سی کیمرہ !

ہوناور میں فرقہ وارانہ کشیدگی کے دوران پریش میستانامی نوجوان کی پراسرار موت کو سنگھ پریوار کی طرف سے فرقہ وارانہ قتل قرار دیا جارہا تھا۔لیکن سی بی آئی کی تحقیقات دوران اس معاملے نے اب ایک نیا رخ لے لیا ہے۔

بھٹکل میں تنظیم میڈیا ورکشاپ کا شاندار اختتامی اجلاس۔ میڈیا کی معتبر شخصیات اور علماء کا خطاب۔ ورکشاپ کے شرکاء کو انعامات اور اسناد کی تقسیم

صحافت کے پیشے میں دلچسپی رکھنے والوں کے لئے مجلس اصلاح وتنظیم کی میڈیا واچ کمیٹی کی نگرانی میں منعقد ہونے والے ہونے پانچ روزہ ورکشاپ کے اختتام پر ایک شاندار اختتامی اجلاس بندر روڈ سیکنڈ کراس پر واقع المدینہ ہال میں منعقد ہوا۔

بھٹکل میں گھر کی چھت سے گرنے والا بچہ علاج کارگر نہ ہونے سے ہلاک۔ڈاکٹر پر غفلت برتنے کا الزام۔ ڈاکٹر نے طلب کی معذرت

بھٹکل سرکاری اسپتال میں بدھ کو  عوام نے بچے کی ایک نعش لے کر ایک ڈاکٹر کا گھیراو کیا اور اُس پر غفلت  برتنے کا الزام عائد کرتے ہوئے  اُسے  آڑے ہاتھوں لیا۔ عوام کا الزام تھا کہ ڈاکٹر کی لاپرواہی سے اس بچے کی جان گئی ہے۔

حج 2019 : بحری جہاز سے سفر ممکن : مختار عباس نقوی

مرکزی وزیر برائے اقلیتی امور او رحج مختار عباس نقوی نے حج 2019 کا اعلان کرتے ہوئے کہا کہ مذکورہ سیزن میں بحری جہاز سے بھی سفر ممکن ہوگا ۔انہوں نے اس موقع پر حج ہاؤس کے صدر دفتر کی فلک بوس عمارت پر قومی پرچم لہرایا جو کہ زمین سے 350فٹ کی بلندی پر ہے ۔ انہوں نے کہا کہ حج کمیٹی جی ایس ٹی ...

اجودھیا تنازع : عدالت کے باہر اگر کوئی قانون بنے گا تو اس کو مسلمان نہیں کرے گا تسلیم : اقبال انصاری

ناگپور میں آر ایس ایس سربراہ موہن بھاگوت کے جمعرات کو رام مندر کے معاملہ پر دئے گئے بیان پر مختلف فریقوں کا رد عمل سامنے آرہا ہے ۔ جہاں آل انڈیا مسلم پرسنل بورڈ کے رکن مولانا خالد رشید فرنگی محلی نے موہن بھاگوت کے بیان کو سیاسی قرار دیا ہے ،

بیلتھنگڈی: گاڑی میں غیر قانونی دھماکہ خیز مادہ لے جانے والے سے رشوت لینے کے الزام میں 2پولیس اہلکار معطل

پونجلا کٹّے پولیس اسٹیشن سے وابستہ ایک اے ایس آئی لکشمن اور ہیڈکانسٹیبل ابراہیم کو اس الزام کے تحت معطل کردیا گیا ہے کہ انہوں نے غیر قانونی طور پر موٹر بائک میں دھماکہ خیز اشیاء لے جانے والے چنّا سوامی سے 24ستمبر کو رشوت لی تھی۔

اُترکنڑا میں زائد پرائمری ٹیچروں کا تبادلہ؛ اردو اسکولوں کے ساتھ ناانصافی۔نارتھ کینرا مسلم یونائیٹد فورم کو تشویش

محکمہ تعلیمات کی طرف سے پرائمری اسکولوں میں جہاں طلبہ کی تعداد مقررہ معیارسے کم ہے وہاں سے زائد ٹیچروں کا تبادلہ کرنے کی جو پالیسی اپنائی ہے اس پر اپنا ردعمل ظاہر کرتے ہوئے نارتھ کینرا مسلم یونائٹیڈ فورم کے جنرل سکریٹری جناب محسن قاضی نے کہا ہے اس سے اردو اسکولوں کے ساتھ بڑی ...