ووٹروں میں بیداری پیدا کرنے بھٹکل میں شاندار ریلی؛ مرڈیشور میں اسٹیج شو؛ سینکڑوں طلبا سمیت سرکاری ملازمین اور آفسران کی شرکت

Source: S.O. News Service | By I.G. Bhatkali | Published on 13th March 2019, 9:36 PM | ساحلی خبریں | ان خبروں کو پڑھنا مت بھولئے |

بھٹکل  13/مارچ (ایس او نیوز) الیکشن کمیشن آف انڈیا  کی ہدایت پر تعلقہ  انتظامیہ،  بھٹکل تعلقہ پنچایت  اور ڈسٹرکٹ سویپ کمیٹی   کی جانب سے آج بھٹکل میں   عوام الناس میں ووٹ ڈالنے کو یقینی بنانے  کے لئے  ایک شاندار بیداری ریلی کا اہتمام کیا گیا جس میں کالج کے طلبا و طالبات سمیت معذور افراد، سرکاری ملازمین، آفسرس، خواتین سنگھا کی اراکین، اسکول ٹیچرس، لیکچررس،  ہیڈ ماسٹرس  سمیت کافی لوگوں نے شرکت کی۔ معذور لوگوں نے  تین پہیہ سواریوں پر سوار ہوکر ریلی میں حصہ لیا جبکہ دیگر لوگوں نے پیدل چلتے ہوئے ریلی کو نہایت کامیاب بنایا۔

بھٹکل اسسٹنٹ کمشنر ساجد احمد مُلا نے ہری جھنڈی دکھاتے ہوئے انجمن گراونڈ سے ریلی کا آغاز کرایا،  سینکڑوں کی تعداد میں لوگوں نے اولڈ بس اسٹائنڈ سے  مین روڈ اور نیشنل ہائی وے ہوتے ہوئے شمس الدین سرکل سے  بندر روڈ پر مُڑ کر سونارکیری سے  پولس اسٹیشن روڈ  سے واپس مین روڈ ہوتے ہوئے انجمن میدان میں پہنچی۔ اس موقع پر پورے راستے  مائک کے  ذریعے عوام الناس سے اپیل  کی گئی کہ وہ  انتخابات میں  بڑھ چڑھ کر حصہ لیں اور اپنا ووٹ ہرگز ضائع ہونے نہ دیں۔ ریلی میں طلبا و طالبات نے ووٹروں  کو اپنی طرف متوجہ کرانے نعرے بازی بھی کی اور راستوں میں کھڑے لوگوں اور دکانداروں کو پمفلٹ بھی تقسیم کئے ۔ ریلی میں شریک لوگوں نے اپنے ہاتھوں میں  بینرس اُٹھا رکھے تھے جس میں ووٹ کی اہمیت پر اور ووٹ ڈالنے کی ضرورت پر پیغامات درج تھے۔

انجمن میدان میں ریلی واپس پہنچنے کے بعد اسسٹنٹ کمشنر نے  ریلی میں شریک سبھی لوگوں سے عہد لیا کہ وہ تمام  انتخابات کے موقع پر ووٹ ڈالیں گے اور اپنا ووٹ  ضائع نہیں کریں گے، اسی کے ساتھ  ڈائس کے قریب لگے ہوئے بینرس پر  لوگوں کے دستخط بھی لئے گئے۔

اسسٹنٹ کمشنر کے ہمراہ تحصیلدار این بی پاٹل،  تعلقہ پنچایت ایکزی کوٹیو آفسر  پربھاکر چکن منے، سرکل پولس انسپکٹر کے ایل گنیش  سمیت کافی دیگر آفسران بھی موجود تھے۔

شام  4:30 بجے تعلقہ کے مرڈیشور  اُترکنڑا ڈسٹرکٹ ایڈمنسٹریشن ، ضلع پنچایت اُترکنڑا اور ڈسٹرکٹ سویپ کمیٹی کی جانب سے  پروگرام منعقد کیا گیا اور عوام الناس میں ووٹوں کے تعلق سے بیداری پیدا کرنے کی کوشش کی گئی۔

سب سے پہلے مرڈیشور بیچ پر  ایک بڑا  غبارہ  ہوا میں لہرایا گیا جس پر ووٹروں کو  اپنی حق رائے دہی کا  استعمال کرنے کی اپیل درج تھی۔ مرڈیشور میں منعقدہ پروگرام میں کاروار سے تشریف فرما  اُترکنڑا ضلع پنچایت کے چیف ایکزی کوٹیو آفسر محمد روشن (آئی اے ایس) کے ہاتھوں پروگرام کا آغاز ہوا۔  غبارہ ہوا میں لہرانے کے بعد آر این ایس میٹنگ ہال میں  ووٹروں میں بیداری پیدا کرنے کے تعلق سے دلچسپ ڈرامے کی شکل میں اسٹیج پروگرام منعقد کیا گیا جس میں  مختلف انداز سے ووٹروں کو ووٹ ڈالنے کی اہمیت واضح کی گئی۔ ڈرامہ اور ناچ گانا کے ذریعے  ووٹروں کو اس بات کی بھی تاکید کی گئی کہ ایک ایک ووٹ کتنا  قیمتی ہوتا ہے  اور ایک ایک  ووٹ سے ہی سرکار بنتی اور گرتی بھی ہے۔ عوام الناس کو پیسوں کے لئے کسی پارٹی یا اُمیدوار کو ووٹ نہ ڈالنے کی بھی تاکید کی گئی اور ووٹ کے صحیح استعمال پر زور دیا گیا تاکہ اچھےاور قابل لوگ  منتخب ہو کر آسکیں۔

ایک نظر اس پر بھی

اُترکنڑا سے چھٹی مرتبہ جیت درج کرنے والے اننت کمار ہیگڑے کی جیت کا فرق ریاست میں سب سے زیادہ؛ اسنوٹیکر کو سب سے زیادہ ووٹ بھٹکل میں حاصل ہوئے

پارلیمانی انتخابات میں شمالی کینرا کے بی جے پی امیدوار اننت کمار ہیگڈے نے پوری ریاست کرناٹک میں سب سے زیادہ ووٹوں سے کامیابی حاصل کی ہے۔ انہوں نے 479649 ووٹوں کی اکثریت سے کانگریس  جے ڈی ایس مشترکہ اُمیدور  آنند اسنوٹیکر  کو شکست دی ۔

ریاست میں کبھی ہار کا منھ نہ دیکھنے والے سیاسی لیڈروں کی ذلت بھری شکست

ریاست کرناٹکا میں انتخابی میدان میں کبھی ہار کا منھ نہ دیکھنے والے چند نامورسیاسی لیڈران جیسے ملیکا ارجن کھرگے، دیوے گوڈا، ویرپا موئیلی اورکے ایچ منی اَپا وغیرہ کو اس مرتبہ پارلیمانی انتخاب میں انتہائی ذلت آمیز شکست سے دوچار ہونا پڑا ہے۔ 

منگلورو:کلاس میں اسکارف پہننے پر سینٹ ایگنیس کالج نے طالبہ کو دیا ٹرانسفر سرٹفکیٹ۔طالبہ نے ظاہر کیاہائی کورٹ سے رجوع ہونے اور احتجاجی مظاہرے کاارادہ

کلاس روم میں اسکارف پہن کر حاضر رہنے کی پاداش میں منگلورومیں واقع سینٹ ایگنیس کالج نے پی یو سی سال دوم کی طالبہ فاطمہ فضیلا کو ٹرانسفر سرٹفکیٹ دیتے ہوئے کالج سے باہر کا راستہ دکھا دیا ہے۔

بھٹکل میں رمضان باکڑہ کی نیلامی؛ 40 باکڑوں کے لئے میونسپالٹی کو 1126 درخواستیں

رمضان کے آخری عشرہ کے لئے بھٹکل  میں لگنے والے رمضان باکڑہ کی آج میونسپالٹی کی جانب سے  نیلامی کی گئی۔ بتایا گیاہے کہ 40 باکڑوں کی نیلامی کے لئے  میونسپالٹی کے جملہ 1126 درخواست فارمس فروخت ہوئے تھے۔ 

اسمرتی ایرانی کے قریبی سابق پردھان کا گولی مار کر قتل ، علاقہ میں کشیدگی

اترپردیش کے امیٹھی میں ہفتہ دیر رات اسمرتی ایرانی کے قریبی سابق پردھان کا گولی مار کر قتل کردیا گیا ۔ اطلاعات کے مطابق جامو تھانہ حلقہ کے برولیا گاوں کے سابق پردھان سریندر سنگھ کو نامعلوم بدمعاشوں نے گولی مار کر موت کے گھاٹ اتار دیا ۔ بدمعاشوں نے واقعہ کو اس وقت انجام دیا جب ...

مسلمانوں کے خلاف اشتعال انگیز بیانات دینے والوں کی بھاری اکثریت کے ساتھ جیت

مسلمانوں کے خلاف ہمیشہ اشتعال انگیز بیانات دینے والوں کو اس مرتبہ لوک سبھا انتخابات میں بھاری اکثریت کے ساتھ کامیابی حاصل ہوئی ہے۔ اترکنڑا لوک سبھا حلقے کے بی جے پی اُمیدوار اننت کمار ہیگڈے جنہوں نے کہا تھا کہ جب تک اسلام رہے گا دہشت گردی رہے گی،اسی طرح انہوں نے  دستور کی ...