بھٹکل:17/جون (ایس اؤنیوز)بھٹکل تعلقہ ماروکیری ہیجل کے مکین گریش ناگپا گونڈ امریکہ میں 19جون سے ایک ہفتہ تک چلنے والے ٹکنیکل مطالعاتی کیمپ میں شرکت کےلئے امریکہ کا سفر کررہے ہیں۔ ایک پچھڑی ذات سے تعلق رکھنے والے شخص کا اعلیٰ تعلیم حاصل کرنے کے بعد عالمی سطح کے کیمپ میں شرکت کرنا بھٹکل شہر اور ملک کے لئے باعث فخر مانا جارہاہے۔

گریش گونڈا ایم ٹیک کرنے کے بعد گذشتہ 5سالوں سے بنگلورو کے ’’ریور بیڈ‘‘نامی سافٹ وئیر کمپنی میں خدمات انجام دے رہے ہیں۔ تعلقہ کے پسماندہ طبقہ سے تعلق رکھنے والے گریش گونڈا تعلیمی میدان میں اعلیٰ مقام حاصل کرتے ہوئے تحقیقاتی میدان میں آگے بڑھنے پر خاندان کے لوگ ، گونڈا سما ج کے لیڈران، تعلیمی ماہرین نے انہیں مبارکبادی پیش کی ہے۔