بھٹکل:3/مئی (ایس او نیوز) کرناٹک یونیورسٹی دھارواڑ میں بھٹکل انجمن کے تین طلبا نے شاندار پرفارمینس پیش کرتے ہوئے ٹاپ ٹین میں جگہ بنانے میں کامیاب ہوئے ہیں جبکہ ایک طالبہ نے پوری یونیورسٹی میں اول رینک حاصل کرتے ہوئے پوری ریاست میں بھٹکل انجمن کالج کا نام روشن کردیا ہے۔
انجمن انسٹی ٹیوٹ آف مینجمنٹ اینڈ کمپوٹر اپلیکشن کی جانب سے جاری کردہ پریس ریلیز کے مطابق کرناٹکا یونیورسٹی دھارواڑ کی جانب سےگذشتہ سال اپریل مئی میں منعقدہ بی بی اے کے امتحانات میں یونیورسٹی کے ٹاپ 10میں سے پہلا رینک بھٹکل کی طالبہ نے حاصل کیا ہے ساتھ ساتھ یونیورسٹی کا چھٹا اور نواں رینک بھی بھٹکل انجمن کالج کے طلبا نے حاصل کیاہے، تفصیلات کچھ اس طرح ہے:
قرۃ العین شیخ بنت مشتاق احمد شیخ نے 3900میں سے 3578نمبرات حاصل کرکے پوری یونیورسٹی میں ٹاپ کیا ہے، ان کی کامیابی کی شرح 91.74 فیصد درج کی گئیہے۔
محمد انظف دامودی ابن الطاف گوہر دامودی نے 3900میں 3304نمبرات (84.72فی صد)کامیابی کے ساتھ چھٹا اور محمد سلمان ابن عبدالغنی علی صاحب نے 3900میں 3263نمبرات (83.67فی صد) شرح کامیابی کے ساتھ نواں رینک حاصل کیا ہے۔
طلبا کی بہترین تعلیمی کارکردگی پر انجمن حامئی مسلمین بھٹکل کے صدر عبدالرحیم جوکاکو، جنرل سکریٹری اسماعیل صدیق، ایڈیشنل جنرل سکریٹری اسحاق شاہ بندری، کالج سکریٹری آفتاب قمری ،پرنسپال محمد محسن سمیت عہدیداران ، انتظامیہ ، اساتذہ اور ساتھیوں نے مبارکباد پیش کی ہے ۔