یلاپور:08؍دسمبر(ایس اؤ نیوز)فاریسٹ اتی کرم داروں کی حمایت میں مسلسل جدوجہد جاری ہے، فاریسٹ اتی کرم داروں کو ان کاحق دلانےکے لئے متحدہ جدوجہد اب قانونی لڑائی بھی شروع کی ہے، اتی کرم داروں کے لئے جاری یہ جدوجہد رکے گی نہیں اور اس معاملےمیں کوئی قدم پیچھے لینے کا سوال ہی نہیں ۔ ضلع فاریسٹ اتی کرم دار حقو ہوراٹ گارر ویدیکے کے صدر اے رویندر نائک نے ان خیالات کا اظہارکیا۔

وہ یہاں تعلقہ کے کروتی کے ہونسیکوپہ گرام پنچایت حدود کے اتی کرم داروں کے لئے جانکاری مرکز کا افتتاح کرنے کے بعد خطاب کررہے تھے۔ انہوں نے فاریسٹ حقوق قانون فاریسٹ مکینوں کا دفاع کرتاہے، قانونی طورپر آخری ایک اتی کرم دار کو بھی اس کا حق دلانے کےلئے کمیٹی پابند ہے، آئندہ دنوں میں بہت بڑے پیمانے پر عوامی جدوجہد کے ذریعے اتی کرم داروں کا حق حاصل کرنےکی کوشش کئے جانے کی بات کہی۔ اس موقع پر انہوں نے کمیٹی کی طرف سے اب تک انجام دی گئی کارروائیوں اوراعداد و شمارات کو پیش کیا۔ انہوں نے بتایاکہ اتی کرم داروں میں اکثریت ناخواندہ ہیں، ان کی صحیح رہنمائی اور قانونی جانکاری دینا ضروری ہے اسی لئے یہ معلوماتی مرکز شروع کئے جانے کی بات کہی۔ پروگرام کی تعلقہ صدر بھیمسی والمیکی نے صدارت کی۔ منڈگوڈ تعلقہ کے صدر شیوانند جوگی، ضلع سنچالک شیکھر ہیرے مٹھ، ابراہیم نبی صاحب سید، راجارام یادو، نوراحمد مدنور، رامو گولی، بابو سدی، نور احمد کروتی ، تما مراٹھی ، اومو گولی ، حبیب شیخ وغیرہ موجو د تھے۔