یلاپور:26؍نومبر(ایس اؤ نیوز)عوام نے شیورام ہیبار کو پانچ برس کے لئے بطور رکن اسمبلی منتخب کرنے کے باوجود بغیر کسی وجہ کے ، عوام سے پوچھے بغیر ، ان کی منظوری لئے بنا ، اپنے مفاد کے لئے استعفیٰ دے کر اب ضمنی انتخابات میں ووٹ مانگنے آرہے ہیں،   بی جے پی کے امیدوار شیورام ہیبار نالائق  ہیں۔ان باتوں کا اظہار یلاپور کے کروتی  میں کانگریس امیدوار بھیمنا نائک کی حمایت میں منعقدہ تشہیری جلسہ میں عوام سے خطاب کرتےہوئے سدرامیا نےکیا۔ 

انہوں نے سوال کیا کہ عوام سے ووٹ مانگنے کے لئے ہیبار کے پاس کیا کوئی اخلاقی حق  ہے؟ آپ لوگ صرف ڈیڑھ سال میں ہی دوبارہ انتخابات کا سامنا کررہےہیں۔ نااہل رکن اسمبلی ہیبار اب نااہل قرار دئیے گئےہیں۔ نااہل کامطلب یہی ہےکہ اب وہ  ایم ایل اے کے لئے لائق نہیں ہیں۔

سدارامیا نے اپیل کی کہ آپ لوگ عوام کی بے عزتی کرنےو الوں کوہرگز ووٹ نہ دیں۔سدرامیا نے کہا کہ  نااہل ارکان اسمبلی نے اسپیکر کے فیصلے کو چیلنج کیا اور سپریم کورٹ بھی گئے، مگر  وہاں بھی انہیں نااہل قرار دیاگیا ہے، انہوں نے سوال کیا کہ متعلقہ الزام سینہ پر لے کر  شیورام ہیبار کا عوام کے سامنے جانے میں اُنہیں شرم بھی نہیں آرہی ہے ؟ سدارمیا نے کہا کہ  یلاپور حلقہ کے لئے اگر کسی نے کوئی کام کیا ہے اور  امداد کی  ہے تو میں نے اور دیش پانڈے نے کی ہے ہیبار نے نہیں کی ہے ، سدرامیا نے عوام سے اپیل کی کہ وہ  ہیبار کو دوبارہ اسمبلی مت بھیجیں۔

سدرامیا نےکہاکہ ریاست میں ہورہے15حلقوں کے ضمنی انتخابات کےلئے ریاستی وزیر اعلیٰ بی ایس یڈیورپا ہی ذمہ دار ہے، اور وہی آپریشن کمل کے بھی ذمہ دار ہیں۔ پانچ برسوں کے لئے عوام نے ارکان کو منتخب کیا تھا ، لیکن انہوں نے بغیر کسی وجہ کے رائے دہندگان کی منظوری لئے بغیر استعفیٰ دے کر دوبارہ عوام سے ووٹ مانگ رہےہیں۔

جلسے میں عوام سے سابق وزیر دیش پانڈے،کانگریس امیدوار بھیمنانائک،سابق وزیر رماناتھ رائی  نےبھی خطاب کیا۔ ڈائس پر سابق وزیر پرمود مدھواراج، ایس ایل گھوٹنیکر، بلاک کانگریس صدر ڈی این گاؤنکر سمیت کئی لیڈران موجود تھے۔