ہوناور 10 جنوری (ایس او نیوز) لاری کی  ٹکر سے اسکوٹر پر سوار خاتون موقع پر ہی ہلاک ہوگئی جبکہ  اس کا شوہر شدید زخمی ہوگیا۔ حادثہ ہوناور کے کرنل کھمبا کے  قریب نیشنل ہائی وے 66  پر منگل صبح پیش آیا۔

مہلوک کی شناخت  سویتا بھٹ کی حیثیت سے کی گئی ہے جو ہوناور بی ایس این ایل کی ریٹائرڈ ملازمہ تھی۔ اسکوٹر اس کا شوہر چلارہا تھا جو حادثے میں شدید زخمی ہوگیا ہے اور اسے قریبی اسپتال میں داخل کیا گیا ہے۔ پتہ چلا ہے کہ جیسے ہی لاری نے اسکوٹر کو  ٹکر دی، اسکوٹر  کی پچھلی سیٹ پر سوار خاتون  ہوا میں اچھل  کر سڑک  پر گرپڑی،  جس کے نتیجے میں اس کے  جسم کے تکڑے  راستے پر بکھر گئے۔

اطلاع  ملتے ہی ہوناور پولس جائے وقوع پر پہنچی اور لاش کے تکڑوں کو یکجا کرکے سرکاری اسپتال روانہ کیا۔ کچھ دیر کے لئے ٹریفک بند ہوگئی تھی ، مگر بعد میں پولس نے  ضروری کاروائی انجام دے کر ٹریفک نظام کو درست کیا۔