بھٹکل 17 جنوری (ایس او نیوز) بھٹکل سرپن کٹہ کے قریب ریلوے پٹری کو کراس کرنے کےدوران تیز رفتار ٹرین کی زد میں آکر ایک معمر خاتون کے چیتھڑے اُڑ گئے اور وہ موقع پر ہی ہلاک ہوگئی۔ حادثہ منگل صبح قریب آٹھ بجے پیش آیا۔
بتایا گیا ہے کہ 65 سالہ اِیرمّا منجیّا نائک کسی مکان میں دودھ دے کرواپس اپنے گھرکی طرف لوٹ رہی تھی، کہ ریلوے پٹری کراس کرنے کے دوران اچانک تیز رفتار ٹرین آگئی اور ایک ہی جھٹکے میں خاتون ٹرین کی زد میں آکر ہلاک ہوگئی۔
اطلاع ملتے ہی بھٹکل مضافاتی پولس تھانہ کے پی ایس آئی بھرت کمار اپنے عملہ کے ساتھ جائے وقوع پرپہنچے اورضروری کاروائیوں کے بعد نعش کو سرکاری اسپتال لے جانے کا انتظام کیا۔
حادثہ کے تعلق سے مہلوک خاتون کے فرزند چِکیّا نائک نے بھٹکل مضافاتی پولس تھانہ میں معاملہ درج کیا ہے۔