نئی دہلی،12/جنوری (آئی این ایس انڈیا) واٹس ایپ کو اپنی نئی پالیسی کے حوالے سے پوری دنیا میں تنقید کا سامناکرنا پڑرہا ہے۔

دریں اثنا کمپنی نے نئی پالیسی کے بارے میں لوگوں کے شکوک و شبہات کو دور کرنے کے لئے بہت سے سوالوں کا جواب دیا ہے۔ نیز کمپنی نے کہا ہے کہ آپ کا حساس ڈیٹا فیس بک کے ساتھ شیئر نہیں ہوتے۔

اس کے علاوہ کمپنی نے یہ بھی کہا ہے کہ نئی پالیسی اپ ڈیٹ سے دوستوں اور کنبہ کے ساتھ آپ کے پیغامات کی رازداری کو کسی بھی طرح سے اثر نہیں پڑتا ہے۔ واٹس ایپ نے کہا ہے کہ نئی پالیسی میں واٹس ایپ بزنس سے متعلق تبدیلیاں شامل کی جائیں گی، جو اختیاری ہے۔ نیز اس سے واضح ہوجاتا ہے کہ ہم کس طرح ڈیٹا اکٹھا کرتے اور استعمال کرتے ہیں۔

واٹس ایپ نے ایک تفصیلی بلاگ میں لوکیشن ڈیٹا، کال لاگ اور گروپس جیسے ڈیٹا کے بارے میں متعدد سوالات کے جوابات دیئے ہیں۔ یہ بھی کہا گیا ہے کہ واٹس ایپ کا ڈیٹا فیس بک کے ساتھ شیئر نہیں کیا جاتا ہے۔ میسج اور کال کے بارے میں واٹس ایپ نے کہا ہے کہ کمپنی نہ تو آپ کے میسجز کو پڑھ سکتی ہے اور نہ ہی آپ کی کال سن سکتی ہے اور نہ ہی فیس بک ان چیزوں کو کرسکتا ہے۔

کمپنی نے کہا کہ واٹس ایپ اینڈ ٹو اینڈ انکرپٹڈہے اور آگے بھی اسی طرح جاری رہے گا۔ کمپنی نے مزید کہا ہے کہ صارفین اپنا ڈیٹا ڈاؤن لوڈ کرسکتے ہیں۔ واٹس ایپ نے کہا ہے کہ صارف اپنا ڈیٹا ایپ سے ہی ڈاؤن لوڈ کرسکتے ہیں اور دیکھ سکتے ہیں کہ کمپنی کے پاس آپ کا کتنا ڈیٹا ہے۔