بھٹکل :14؍جولائی (ایس اؤ نیوز) وشو کرما گلیر بلگا بھٹکل کے زیر اہتمام بھٹکل شہری پولس تھانہ کے صحن میں ’’ہر گھر ایک درخت‘‘مہم کے تیسرے مرحلے کے پروگرام کا آر ایف اؤ شنکر گوڈا نے درخت نصب کرتےہوئے افتتاح کیا۔
مہم کے دوران امسال 250گھروں میں درخت کی نصب کاری کرنا طئے کیا گیا ہے۔ اس موقع پر کالی کامبا مندر کے ذمہ دار بھاسکر آچاریہ ، بھٹکل اربن کوآپریٹیو بینک کے جنرل مینجر سبھاش شٹی ، بھٹکل شہری پولس تھانہ ایس آئی کوسومادھار، دیہی پولس تھانہ ایس آئی ایل ایم نائک، فاریسٹ آفیسر ملیکارجن ، ناگراج پٹگار، وشوکرما ملازمین سنگھ کے صدر ماروتی آچاریہ وغیرہ وموجود تھے۔ سنگھ کے صدر روی آچاریہ نے افتتاحی کلمات پیش کرتے ہوئے بتایا کہ ہمارے سنگھ کے ہر ممبرکے تعاون سے ایک بہتر کام انجام دیا جارہاہے، ہر سال کی طرح امسال بھی ہرگھر ایک درخت پروگرام جاری رہنے کی بات کہی۔ استاد سریش آچاریہ نے نظامت اور شکریہ کے فرائض انجام دئیے۔