بھٹکل 9 مئی (ایس او نیوز)  کل 10 مئی سے جس طرح  ریاست کے مختلف حصوں  میں کورونا لاک ڈاون کو لے کر سختی برتے  جانے کا اعلان کیا گیا تھا  اُسی  طرح اب بھٹکل میں بھی 10 مئی سے  لاک ڈاون میں سختی برتے جانے کا اعلان کیا گیا ہے جس کے مطابق پیر  10 مئی صبح چھ بجے سے 24 مئی صبح چھ بجے تک  کسی بھی سواری کو  روڈ پر سے گذرنے کی اجازت نہیں دی جائے گی۔

بھٹکل اسسٹنٹ کمشنر ممتا دیوی نے اتوار 9 مئی کی شام کو  پریس کانفرنس کا انعقاد کرتے ہوئے  بتایا کہ   اب تک صبح چھ بجے سے صبح دس بجے تک    روزمرہ کی ضروری اشیاء کی خریداری کے لئے چھوٹ دی گئی تھی جس میں لوگ اپنی سواریوں پر   باہر نکلتے تھے،  مگر کل 10 مئی سے  ضروری اشیاء کی دکانیں   صبح دس بجے تک کھلی رہیں  گی لیکن  سامان کی خریداری کے لئے  لوگوں کو سواری پر سوار ہوکر بازار جانے کی اجازت نہیں ہوگی ، جن کو بھی خریداری کرنی ہو،  انہیں پیدل چل کر  دکان جانا ہوگا۔ دراصل یہ اس لئے کیا گیا ہے کہ لوگ  اپنے اپنےعلاقوں میں یا اپنے گھر کے قریب میں  واقع دکانوں سے ہی خریداری کریں اور غیر ضروری طور پر بازاروں کا رُخ نہ کریں۔ اے سی نے واضح کیا کہ  اگر کوئی سواری پر باہر نکلا تو پولس کو اختیار دیا گیا ہے کہ اُن کی سواری کو ضبط کیا جائے۔

اسسٹنٹ کمشنر نے بتایا کہ کل سے شروع ہونے والے لاک ڈاون کے لئے   بھٹکل میں جگہ جگہ بیری کیڈ لگائے گئے ہیں اور سیکٹر آفسرس  کو مختلف ناکوں پرتعینات کیا گیا ہے۔البتہ انہوں نے واضح کیا  کہ  میڈیکل  یا ایمرجنسی کی صورت میں  چھوٹ دی جاسکتی ہے۔

خیال رہے کہ  پڑوسی ضلع ا ُڈپی اور مینگلور میں  کل 10 مئی سے  سواریوں کو باہر آنے پر پابندی عائد کئے جانے کا پہلے ہی اعلان ہوچکا ہے۔

تفصیلی رپورٹ کے لئے انتظار کریں