بھٹکل:10؍جون(ایس اؤ نیوز) ضلع کانگریس اقلیتی شعبہ کے ضلعی صدر عبدالمجید شیخ کی نگرانی میں کانگریس پارٹی کی جانب سے  سرکاری اسپتال میں خدمات انجام دے رہے کووڈ وارئیرس ، میونسپالٹی مزدور،سپلائیر اور لاوارثوں کے درمیان  ظہرانہ کی تقسیم کی گئی ۔  

اس موقع پر بھٹکل بلاک کانگریس صدر سنتوش نائک نے خطاب کرتےہوئے کہاکہ  حکومت کی طرح کانگریس پارٹی بھی کووڈ سے پریشان حال لوگوں کی مددمیں مصروف عمل ہے۔ کانگریس پارٹی کووڈ متاثرین اور کووڈ وارئیرس کی مدد  کے لئے تیار ہے۔ ریاست بھر میں کورونا کے سنگین حالات کو دیکھتے ہوئے پارٹی مختلف کاموں کو انجام دے رہی ہے۔ اترکنڑا ضلع میں بھی کانگریس کے سنئیر لیڈر آر وی دیش  پانڈے کی قیادت میں بہترین کام ہورہاہے۔ آج کووڈ کے حالات میں فرنٹ لائن پر بہترین کام انجام دے رہے عملے کو حوصلہ دینے کےلئے دوپہر کا کھانا فراہم کئے جانے کی بات کہی۔ اس موقع پر اسپتال کے ڈاکٹر ستیش، ڈاکٹر سرکشھت شٹی ، میونسپالٹی ممبر عبدالروؤف نائطے ، نرسمہا نائک موجو د تھے۔