اڈپی 20/جولائی (ایس او نیوز)شہرکے ایک مکان میں 16جولائی کو ہوئی چوری کی واردات کے ملزمین کوپولیس نے کوکّی کٹے علاقے سے گرفتار کرلیا ہے اور ان کے قبضے سے لوٹے گئے66.850گرام سونے کے زیورات سمیت دیگر اشیاء کی شکل میں 1,69,800روپے مالیت کا مسروقہ مال برآمد کیاہے۔

  گرفتار شدہ ملزمین میں ایک کا نام محمد فاروق (18سال) ہے جو ضلع شیموگہ کے ہاسن کا رہنے والاہے، مگر فی الحال اڈپی کے اندرانگر میں اپنے ایک رشتے دار کے یہاں قیام پزیر ہے۔دوسرے ملزم کا نام افضل (19سال) ہے۔ چوروں کو گرفتار کرنے کے لئے ٹاؤن اسٹیشن آفیسر اننتا پدمنابھا کی قیادت میں ڈسٹرکٹ پولیس دفتر سے منسلک سب انسپکٹر اچھوتھا، ٹاؤن پولیس اسٹیشن کے گوپال کرشنا جوگی اور دیگر عملے نے مہم میں حصہ لیا۔