دبئی : عجمان میں واقع مصروف مارکیٹ میں خوف ناک آتش زدگی
دبئی،06 /اگست (آئی این ایس انڈیا) متحدہ عرب امارات میں شامل امارات عجمان میں ایک مارکیٹ میں بدھ کی شام اچانک خوف ناک آگ بھڑک اٹھی جس سے متعدد دکانیں جل کر خاکستر ہوگئیں۔
عجمان کے محکمہ شہری دفاع کے ایک ذرائع نے صحافیوں کو بتایا کہ بازار شعبی کے نام سے سبزی اور پھل منڈی میں آگ لگنے کے بعد شعلے اور سیاہ دھویں کے بادل بلند ہونا شروع ہوگئے۔ واقعے کی اطلاع ملتے ہی خصوصی ٹیمیں جائے وقوع پر پہنچ گئیں اور وہ پورے بازار کو خالی کراتے ہوئے امدادی کا میں جٹ گئی۔
آگ بجھانے والا عملہ بھی امدادی سرگرمیوں میں مصروف ہوتے ہوئے بازار میں لگی خوف ناک آگ پر قابو پانے میں کامیاب رہا۔چار مختلف محکموں کی ٹیموں کو بھی فائر فائٹروں کی معاونت کے لیے طلب کر لیا گیا تھا
حکام نے فوری طور پر یہ نہیں بتایا ہے کہ عجمان کی اس مارکیٹ میں کیسے آگ لگی اور یہ آناً فاناً کیسے پھیل گئی ۔ آتش زدگی کے اس واقعے میں کسی جانی نقصان کی اطلاع نہیں ملی
