کنداپور : گوبر کے گڈھے میں گرنے سے ڈھائی سالہ بچہ کی موت
کنداپور 5/ جنوری (ایس او نیوز) اپنے ہی گھر کے احاطہ میں واقع مویشی خانہ سے متصل گوبر کے گڈھے میں گرنے سے ڈھائی سالہ بچہ کی مو ت واقع ہوگئی جس کی شناخت انوراج کی حیثیت سے کی گئی ہے۔
اطلاع کے مطابق کنداپور تعلقہ کے کئیلکیری میں لال بہاری نامی شخص کے گھر پر یہ حادثہ پیش آیا ۔ پتہ چلا ہے کہ انوراج گوبر کے گڈھے کے پاس ہی کھیل رہا تھا اور حادثاتی طور پر پھسل کر گوبر اور مویشی خانہ سے نکلے ہوئی گندھے پانی میں گر گیا ۔ مگر کسی کو بھی کافی دیر تک اس کی خبر نہیں ہوئی ۔ پھر جب بچے کی چپلیں گوبر کے گڈھے کے پاس نظر آئیں تو بہاری لال نے بچے کو گڈھے کو اندر تلاش کیا جس کے دوران معصوم بچہ بیہوشی کی حالت میں گڈھے کے اندرا گرا ہوا پایا گیا۔
حالانکہ بچے کو گڈھے سے نکال کر فوری طور پر اسپتال لے جایا گیا، مگر ڈاکٹروں نے اس کی موت کی تصدیق کردی ۔ اس ضمن میں کوٹا پولیس اسٹیشن میں کیس درج کیا گیا ہے ۔