ملک کو ’پرچارمنتری‘ نہیں، ’پردھان منتری‘ چاہیے: اکھلیش یادو

Source: S.O. News Service | By Jafar Sadique Nooruddin | Published on 24th April 2019, 8:45 PM | ملکی خبریں | ان خبروں کو پڑھنا مت بھولئے |

ہردوئی/اتر پردیش: 24 /اپریل(ایس اونیوز /آئی این ایس انڈیا) ایس پی صدر اکھلیش یادو نے مرکز کی نریندر مودی حکومت پر’سوچھ بھارت یوجنا ‘ کے لیے بے شمار دولت جمع کرنے کا الزام لگاتے ہوئے بدھ کو کہا کہ ملک کو رپرچار منتری نہیں، بلکہ پردھان منتری چاہیے۔اکھلیش نے یہاں ایک انتخابی جلسے میں کہاکہ بی جے پی والوں نے جھاڑو لگانے کے لیے نہ جانے کتنی رقم جمع ہے۔آپ کو یاد ہے کہ نہیں، شروع میں وہ سب جھاڑو لیے گھوم رہے تھے۔ملک کے وزیر اعظم بھی جھاڑولیے ہوئے۔اور اتر پردیش کے وزیر اعلیٰ بھی جھاڑو لئے ہوئے۔بتائیے کوڑا ختم ہوا کیا؟ کہاں ہے کوڑا؟ کوڑا بی جے پی کے دماغ میں ہے۔ان کی بات ٹوائلٹ سے ہی شروع ہوتی ہے اور ٹوائلٹ پر ہی ختم ہو جاتی ہے۔انہوں نے کہاکہ بی جے پی کہتے ہیں کہ اتحاد ملک کو مضبوط وزیر اعظم نہیں دے سکتا۔ہم اعتماد دلانا چاہتے ہیں کہ جب جب ضرورت پڑی ہے، ملک کو اتحاد نے مضبوط اور شاندار وزیراعظم دیئے ہیں۔ہمیں پرچار منتری نہیں پردھان منتری چاہئے۔ایس پی صدر نے کہا کہ بی جے پی کے اقتدار میں سرحدیں غیر محفوظ رہی ہیں۔ایک کے بدلے دشمن فوجیوں کے 10 سر لانے کا وعدہ کرکے اقتدار میں آنے والے مودی نے سرحد پر سب سے زیادہ جوانوں کو شہید کروا دیا۔ بی جے پی دعوے کر رہی ہے کہ اس کی وجہ سے سرحدیں محفوظ ہیں مگر سرحدیں اگر محفوظ ہیں تو وہ صرف ہمارے جوانوں کی وجہ سے، بی جے پی کی وجہ سے نہیں۔اکھلیش نے کانگریس اور بی جے پی دونوں کو ہی گھیرتے ہوئے کہاکہ ایک پارٹی کہہ رہی ہے کہ پالیسی کمیشن خراب ہے۔دوسری پارٹی کہہ رہی ہے کہ پالیسی کمیشن خراب ہے۔ہم کہتے ہیں کہ لوگوں کو پڑھا دو، لکھا دو، انہیں لوہیا آواس دے دو، غریب اپنے گھر میں ٹوائلٹ خود ہی بنا لیں گے۔انہوں نے کہا کہ ایس پی۔بی ایس پی۔آر ایل ڈی اتحاد ’مہاملاوٹ‘نہیں ہے بلکہ یہ ملک میں تبدیلی لانے کا کام کر رہا ہے۔یہ مہاگٹھ بندھن غریب کا ہے، گاؤں میں رہنے والوں کا ہے۔جنہیں احترام نہیں مل پایا اتنے سالوں سے، یہ ان کا اتحاد ہے۔جو ہمارے لوگ کھیت میں کام کر رہے ہیں۔پسینہ بہانے والے لوگ یہ ان لوگوں کا اتحاد ہے۔

ایک نظر اس پر بھی

پاکستان جب تک دہشت گردی کے خلاف مؤثرکاروائی نہیں کرتا، ایئر اسٹرائک جیسے قدم اٹھاتے رہیں گے: وزارت دفاع

وزارت دفاع نے دو ٹوک کہا ہے کہ جب تک پاکستان دہشت گرد گروپوں کے خلاف قابل اعتماد کارروائی نہیں کرتا، تب تک ہندوستان اپنی قومی سلامتی کو یقینی بنانے کے لئے سخت اقدامات اٹھاتا رہے گا۔

سرسی ڈی وائی ایس پی سے کی گئی یلاپور رکن اسمبلی شیورام کوڈھونڈنکالنے کی گزارش

کانگریس اور جے ڈی ایس کے اراکین نے بغاوت کرتے ہوئے اسمبلی اجلاس سے دور رہنے اور وزیر اعلیٰ کمارا سوامی کی جانب سے پیش کی گئی ’اعتماد‘ کی تحریک کے حق میں ووٹ نہ دینے کا جو فیصلہ کیا ہے اس سے مخلوط حکومت گرنا یقینی ہوچلا ہے۔ 

بھٹکل اوراطراف کے  طلبہ وطالبات کے لئے15ڈسمبر کو ہوگا سائنسی وتحقیقی مقابلہ جات کاانعقاد : تعلیمی ادارے توجہ دیں

شہر بھٹکل کا معروف تعلیمی و فلاحی ادارہ تربیت اخوان(شمس اسکول)کے زیر اہتمام  اے جے اکیڈمی فار ریسرچ اینڈ ڈیلوپمنٹ کے اشتراک سے15ڈسمبر 2019 بروز اتوار کو سانتسی و تحقیقی مقابلہ جات کا انعقاد کیا گیا ہے جس میں  بھٹکل‘ مرڈیشور‘ شیرور اور منکی کے سرکاری و  غیر سرکاری‘امدادی ...

مویشی چوروں کے ساتھ ساز باز کرنے کے الزام میں 2پولیس والے ہوئے گرفتار۔4کی تلاش جاری

ایک ہفتے پہلے ساستھان ٹول گیٹ پر 21بھینسوں کی ایک بڑی کھیپ جو ضبط کی گئی تھی، اس تعلق سے گرفتار شدہ ملزمین کے بیانات کی روشنی میں پولیس کی تحقیقاتی ٹیم نے محکمہ پولیس سے ہی وابستہ 2افراد کو گرفتار کرلیا،جبکہ مزید چارمفرور پولیس والوں کو گرفتار کرنے کی کوشش جاری ہے۔ ان پر الزام ...

سون بھدر: زمین کے تنازعہ میں خونیں تصادم، فائرنگ میں 9 افراد ہلاک

  اتر پردیش کے سون بھدر میں زمین کے تنازعہ میں دو فریقین میں زبردست خونیں تصادم ہوا۔ دونوں جانب سے چلی تابڑ توڑ فائرنگ میں تقریباً 9 افراد کی جان چلی گئی، جبکہ تقریباً 20 افراد زخمی بتائے جا رہے ہیں۔ ہلاک شدگان میں 4 خواتین اور 5 مرد شامل ہیں۔

بنٹوال میں ایمبولینس اور ٹرک کا تصادم۔ 1خاتون ہلاک، 4زخمی    

نیرلکٹے کے پاس پیش آنے والے ٹرک اور ایمبولینس کے تصادم میں ایک خاتون موقع پر ہی ہلاک ہوگئے جبکہ ایمبولینس میں موجود مریض سمیت دیگر 4افراد زخمی ہوگئے ہیں، جنہیں علاج کے لئے پتور کے سرکاری اسپتال میں داخل کیا گیا ہے۔