احتجاج کے اثرات؛ ٹیلی کمپنیوں کو ہو رہا ہے زبردست نقصان، ایک گھنٹہ سروس بند رہنے سے کروڑوں کا نقصان
نئی دہلی،29/دسمبر(آئی این ایس انڈیا) شہریت ترمیم قانون اور این آرسی-این پی آر کے خلاف ملک بھر میں مظاہرے ہو رہے ہیں۔مظاہرین کو روکنے کے لئے اور امن و امان برقرار رکھنے کے لئے پولیس انتظامیہ تمام طریقے اپنا رہی ہے۔اسی سلسلے میں ملک کے کئی شہروں میں موبائل انٹرنیٹ سروس بھی بند کی گئی ہے۔ایک رپورٹ کے مطابق انٹرنیٹ بند ہونے سے موبائل سروس فراہم کرنے والی کمپنیوں کو بھاری نقصان اٹھانا پڑ رہا ہے۔اس کے مطابق ان کمپنیوں کو سروس معطل کرنے کی وجہ سے ہر گھنٹے 2.4 کروڑ روپے سے زیادہ روپے کا نقصان ہو رہا ہے۔یوپی میں جمعہ کو احتیاط کے طور پر 21 اضلاع میں انٹرنیٹ سروس روکی گئی تھی۔ان تمام شہروں میں پولیس فلیگ مارچ کر رہی ہے۔جمعہ کو دہلی، یوپی سمیت ملک کے دیگر علاقوں میں سیکورٹی کے انتظام کافی سخت تھے۔پولیس کی احتجاج کے دوران لوگ تشدد نہ کریں اس کے لئے بھیڑ پر نظر رکھتی ہے۔بتا دیں کہ شہریت ترمیمی قانون کے پارلیمنٹ سے پاس ہونے کے بعد سے ملک میں احتجاج کے سر تیز ہونے لگے ہیں۔
