دبئی 20 ڈسمبر(ایس او نیوز) بھٹکل کےاعلیٰ تعلیم یافتہ نوجوان دبئی اوردیگرشہروں میں ایک طرف اپنے والدین کے کاروبار کو آگے بڑھانے ہوئے اُن کا ساتھ دے رہے ہیں تو بعض نوجوان اپنے گھروالوں کی نگرانی اوراُن کے نقش قدم پرچلتے ہوئے نیا کاروبارشروع کرکے دیگر لوگوں کے لئے بھی نئے روزگارکے مواقع فراہم کررہے ہیں ان ہی میں ایک محمد صائم دامودی بھی ہیں، جنہوں نے دبئی کے ابوھیل میں Navodesk کے نام سے فرنیچرکا شاندار شوروم قائم کیا ہے جہاں دفاتر اور گھروں میں استعمال ہونے والی مختلف اقسام کی پہیوں والی کرسیاں، ٹیبل، کمپوٹر ٹیبل، ایل شیپ ڈیسک، مونیٹر آرمس اور دیگر بہت ساری لوازمات بالکل مناسب داموں پر دستیاب ہیں۔
محمد صائم جنہوں نے دبئی میں اپنی ابتدائی تعلیم حاصل کرنے کے بعد بینگلور سے بزنس مینجمنٹ کی ڈگری لی تھی، اپنے والد جناب محمد سالم دامودی اور چچا جناب محمد سلمان دامودی کی نگرانی میں ابوھیل میں فرنیچر کے اس کاروبار کو قریب تین سالوں سے کامیابی سے چلارہے ہیں۔ ابوھیل میٹرو اسٹیشن کے بالکل قریب اس شوروم میں گاہکوں کی آسانی کےلئے کرسیاں اورٹیبل وغیرہ خریدنے پرفری ہوم ڈیلیوری کی سہولت بھی فراہم کی گئی ہے۔
فرنیچر کے اس شوروم کے افتتاح کے بعد دبئی ٘میں مقیم کافی انڈین لوگ بالخصوص کرناٹک کےعوام اپنے گھروں اور دفاتر کے لئے فرنیچرزیادہ تر اسی شوروم سے حاصل کرنے کو ترجیح دیتے ہیں اور اپنے وطنی بھائی کے کاروبار کو استحکام دینے میں خوشی محسوس کرتے ہیں۔ دبئی کے کافی مقامی لوگ بھی یہیں سے فرنیچر خریدنے پراطمینان پاتے ہیں۔
شوروم کے تعلق سے مزید جانکاری حاصل کرنے کے لئے شام سات بجے سے پہلے پہلے سیدھے شوروم کا رُخ کرسکتے ہیں، ویب سائٹ https://navodesk.com پرضروری معلومات بھی حاصل کرسکتے ہیں یا موبائل نمبر: 0552020013 پر رابطہ بھی کرسکتے ہیں۔