اُڈپی سرکاری اسپتال میں   تین مہینوں سے تنخواہ نہ ملنے پر عملہ کا اچانک احتجاج :علاج کےلئے ترستی حاملہ عورتیں

Source: S.O. News Service | By Abu Aisha | Published on 10th June 2021, 8:22 PM | ساحلی خبریں |

اُڈپی:10؍جون(ایس اؤ نیوز) پچھلے تین مہینوں سے تنخواہ ادا نہ کئے جانے کا الزام عائد کرتےہوئے این آرآئی صنعت کار بی آر شٹی کے بی آر ایس ہیلتھ ریسرچ انسٹی ٹیوٹ پرائیویٹ لمیٹیڈ کے اُڈپی شہر کے کوسما شمبھو شٹی اسمارک حاجی عبداللہ سرکاری اسپتال کے ڈاکٹر  اورنرس سمیت سبھی شعبہ جات کاعملہ 9جون کی صبح دھرنا دیتےہوئےا حتجاج کیا۔ جس کے نتیجے میں سیکڑوں لوگوں اورحاملہ عورتوں کو علاج فراہم نہ  ہونے سے سخت پریشانی  کا سامنا کرنا پڑا۔

اسپتال میں خدمات انجام دینے والے 200سے زائد اسٹاف نے مارچ مہینے سے تنخواہ  نہ  دئیے جانے کا الزام لگاتے ہوئے صبح سے ہی اچانک احتجاج کرنے لگے۔  اسپتال کے اندر دھرنے پر بیٹھے عملے نے  انتظامیہ سے مطالبہ کیا کہ وہ فوری طور پر ان کی تنخواہیں منظور کریں۔ ایمرجنسی کو چھوڑ کر ڈاکٹروں ، نرسوں ، فارمیاسس، لیب  سمیت سبھی شعبہ جات کے عملے نے احتجاج میں شرکت کی۔

عملےکا خدمات پر حاضری :احتجاج کی اطلاع پاتےہی جائے وقوع پر  پہنچی  شہری تھانہ پولس نے  احتجاجیوں سے بات کرتےہوئے کہاکہ کسی اجازت کے بغیر لاک ڈاؤن کے دوران  احتجاج کرنا قانون کی خلاف ورزی ہوگی ، پولس نے اپیل کی  کہ  وہ  فوری طورپر اپنی خدمات پر دوبارہ لوٹ جائیں۔

اس کے بعد ضلع سرجن ڈاکٹر مدھوسودھن نایک اور محکمہ مزدور کے افسران نے  اسپتال انتظامیہ اور عملے کے ساتھ گفتگو کرتے ہوئے فیصلہ لیا کہ ایک ماہ کی تنخواہ محکمہ مزدور اور دو مہینوں کی تنخواہ انتظامیہ کی طرف سے ادا کیا جائے گا۔ فیصلہ ہوتےہی دوپہر ایک بجے سبھی اسٹاف اپنے کام پر لوٹ گئے۔ عملے کے ساتھ گفتگو کے بعد اخباری نمائندوں کو جانکاری دیتےہوئے ضلع سرجن نے بتایا کہ تین  مہینے سے باقی تنخواہ کو فوری طورپر عملے کو ادا کی جائے گی ، اس کے علاوہ دیگر کوئی مسائل یا شکایتیں ہیں تو ڈی سی اور سرکاری سطح پر بات چیت کرتےہوئے حل کرنے کی کوشش کی جائے گی۔

حاملہ عورتوں کو دشواریاں :قریب 80کلومیٹر دور بیندور سمیت ضلع کے مختلف مقامات سے علاج کےلئے اسپتال پہنچے لوگوں اور حاملہ عورتوں کو اچانک شروع ہوئے احتجاج سے علاج کے لئے کافی دشواریاں پیش آئیں۔ اسی دوران پیٹ درد سے تڑپتی ایک عورت کو دوسرے اسپتال لے جایاگیا۔ صبح سےہی کئی حاملہ خواتین  علاج کے انتظار میں بیٹھی ہوئی دیکھی  گئیں۔ کئی حاملہ عورتیں خالی پیٹ شوگر چکنگ کے لئے آئی ہوئی تھیں۔ اس کے علاوہ کئی ایک بیماریوں میں مبتلا لوگوں کو بھی کافی پریشانیوں  کاسامنا کرناپڑا۔

ایک حاملہ وسنتی نامی عورت نے اپنا دکھڑا سناتےہوئےکہاکہ اسکیننگ کے انتظار میں ہوں، ابھی تک نہیں ہواہے۔ ایمرجنسی وارڈ بھی گئی تھی وہاں ڈاکٹر نہ  ہونےکی بات کہہ کر واپس بھیج دئیے ہیں۔ میں دور کے گاؤں سے آئی ہوں اور کئی گھنٹوں سے انتظار  کررہی ہوں ، کوئی بھی پوچھنے والا نہیں ہے۔

 کئی ایک حاملہ عورتیں اپنی زچگی کی تاریخ کے مطابق پہنچی تھیں  تو باقی حاملہ عورتیں زچگی کی تاریخ لینے آئی  تھیں۔ یہ سب عورتیں صبح سے ڈاکٹروں کے انتظارمیں  تھے۔

ایک نظر اس پر بھی

بھٹکل جالی میں انڈر گراونڈ ڈرینیج کا مسئلہ؛ ممکنہ کنووں کو خراب کرنے والے چمبرس کی درستگی کے بعد ہی کام کو بڑھایا جائے گا آگے؛ ایک ہفتہ کے اندر سڑکوں کی مرمت کی یقین دھانی

بھٹکل کے جالی پٹن پنچایت حدود میں  تعمیر کئے جارہے  انڈر گراونڈ ڈرینیج (یو جی  ڈی)  کا مسئلہ بارش کے بعد مزید پیچیدہ ہونے کے بعد  گذشتہ روز  جالی پنچایت آفس میں  واٹر بورڈ انجینر سمیت  بھٹکل انڈر گراونڈ ڈرینیج کے کام کرنے والے کنٹریکٹر کے  ساتھ میٹنگ کا انعقاد کیا گیا تھا جس ...

کورونا کی تیسری لہر کو لے کر ریاستی ماہرین کمیٹی نے ریاستی حکومت کو سونپی سفارشی رپورٹ : وائرس شدت اختیار کرنےپر 3لاکھ بچے متاثر ہونے کا خدشہ

اگلے 6سے 8ہفتوں میں ملک میں کورونا کی تیسری لہر شروع ہونےکے متعلق ماہرین نےمتنبہ کیا تو ریاستی  حکومت نے ڈاکٹر دیوی شٹی کی قیادت میں کمیٹی تشکیل دیتے ہوئے کہا تھا کہ وہ بتائیں کہ  تیسری لہر کو روکنے کے لئے کیا کیا اقدامات کریں۔ ڈاکٹر دیوی شٹی کی قیادت والی ماہرین کی کمیٹی نے ...

منگلورو : کلاک ٹاور کے پاس پولیس کی اچانک چیکنگ ۔ غیر ضروری طور پر سڑکوں پر گاڑیاں دوڑانے والوں کے خلاف کی گئی کارروائی

دو دن پہلے شہر میں لاک ڈاون کے اوقات میں کمی کرنے کے بعد سڑکوں پر موٹر گاڑیوں کا ہجوم لگ گیا تھا۔ اس پر قابو پانے کے لئے پولیس کے افسران نے کلاک ٹاور کے پاس اچانک چیکنگ شروع کردی اور غیر ضروری طور پر سڑکوں پر گاڑیاں دوڑانے والوں کے خلاف معاملات درج کرلیے۔

اترکنڑا میں 77373افراد کو کووڈکا دوسرا ٹیکہ دیا جاچکا ہے: صحت عامہ کی رپورٹ

اترکنڑا میں ابھی تک 77173لوگوں کو کووڈکا ٹیکہ لگایاجاچکاہے۔ منگل کی شام 7بجے تک ملی رپورٹ کے مطابق 1590ڈوز باقی ہیں۔ جس میں کووی شیلڈ 740اورکو ویکسن 850ڈوز ٹیکوں کا ذخیرہ موجود ہے۔ اس بات جانکاری  ڈسٹرکٹ  آر سی ایچ افسر ڈاکٹر رمیش راؤ نے دی۔

جناب ایس ایم سید محی الدین مارکیٹ صاحب مرکزی خلیفہ جماعت المسلمین بھٹکل کے نئے صدر منتخب

مرکزی خلیفہ جماعت المسلمین بھٹکل  کے نائب صدرجناب ایس ایم سید محی الدین مارکیٹ صاحب اب مرکزی خلیفہ جماعت المسلمین بھٹکل کے  صدر منتخب ہوئے ہیں۔ پیر کو جماعت کے دفتر میں منعقدہ انتظامیہ میٹنگ میں  انہیں اس عہدہ کےلئے بالاتفاق رائے منتخب کیا گیا۔ یاد رہے کہ خلیفہ جماعت ...

کاروار میں کووڈ ٹیکہ مہم کا افتتاحی پروگرام : ہر ایک ٹیکہ لگوائیں اور اپنی جان کی حفاظت کریں : روپالی نائک

کورونا پر قابو پانے کے لئے حکومتیں کام کررہی ہیں، ملک بھر میں 21جون سے شروع ہوئے مفت کووڈ ٹیکہ مہم میں ہرایک ٹیکہ لگاتے ہوئے اپنی جان کی حفاظت کا سامان کرنے کی رکن اسمبلی روپالی نائک نے عوام سے اپیل کی۔