سرسی :18؍اپریل(ایس اؤ نیوز)فوریسٹ حقوق قانون کی منظوری کی متعینہ مدت کے اندر منظوری کارروائی کو انجام دیا جائے۔ آج عوامی نمائندوں میں حوصلہ کی کمی کی وجہ سے فوریسٹ حقوق قانون نافذ نہیں ہورہاہے۔ عوامی نمائندے صرف انتخابات کے دوران فاریسٹ کے اتی کرم داروں کے مسائل پر بات کرتے ہیں انتخابات ختم ہوتے ہی خاموشی اختیار کئے جانا افسوس ناک ہے۔ فاریسٹ بھومی حقو ہوراٹ گارر ویدیکے کے صدر رویندر نائک نے ان خیالات کااظہار کیا۔
وہ یہاں سرسی میں سب ڈویزن فوریسٹ حقّوُ ہوراٹاسمیتی کی جانب سے فوریسٹ مکینوں کےمنظوری حق پر نظر ثانی معاملے کے متعلق اتی کرم داروں کو جانکاری دینے کےلئے منعقدہ ورکشاپ میں خطاب کررہےتھے۔ ضلع میں ایک تہائی آبادی فاریسٹ مکینوں کی ہے۔ قانون اور اصول نافذ ہوئے آج کو 13برس ہورہےہیں لیکن اس میں ابھی تک کوئی ترقی نہیں ہونا قابل مذمت ہے۔ منظوری حق کارروائی کے دوران بعض قانونی پیچیدگیاں ہیں اس تعلق سے ویدیکے عدالتی سطح پر بھی جدوجہد کرنے کو تیار ہے۔ آئندہ دنوں میں فاریسٹ حقو منظوری کے متعلق عوامی بیداری پروگراموں کا اہتمام کئے جانے کی انہوں نے جانکاری دی ۔
تعلقہ صدر لکشمن نے ورکشاپ کی صدارت کی۔ نہرو نائک، ایم آرنائک، ابراہیم صاحب، تما مراٹھی ، ہریش منجپا نائک، منجوناتھ نائک، ہیمنت نائک، نارائن یپا بھیم، شیوپا راما سمیت کئی ایک نےاپنے خیالات کااظہار کیا۔ ہیمنت نائک نے استقبال کیاتو مالتیش نائک نے شکریہ اداکیا۔