سرسی : غیرقانونی گانجہ سپلائی کے الزام میں دو گرفتار؛ 136گرام وزنی گانجہ ضبط
سرسی :یکم جنوری (ایس اؤ نیوز)غیرقانونی طورپر گانجہ سپلائی کرنےکےالزام میں سرسی دیہی پولس نے مصدقہ خبر پر کارروائی کرتےہوئے دو ملزموں کو گرفتار کرنے کا واقعہ تعلقہ کے مرا میں ماروتی مندر کے قریب پیش آیا ہے۔
گرفتار شدہ ملزمین کی شناخت گنیش نگر کے ابھیشیک شری دھر ہیگڈے (23) اور منجوناتھ اُدئیے مانے (23) کی حیثیت سے کی گئی ہے۔ ملزمین سے پولس نے 136گرام وزنی گانجہ اور گانجہ سپلائی کے لئے استعمال کی گئی قریب 50ہزارروپئے مالیت کی بائک اور 1280روپئے نقد ضبط کرلئے ہیں۔ دونوں ملزمین جمعہ کو تعلقہ کے مرا میں ماروتی مندر روڈ پر غیر قانونی طورپر گانجہ سپلائی کے ارادے سے جارہے تھے تو مصدقہ خبر ملنے کے بعد پولس نے چھاپہ مار کر گرفتارکیاہے۔
معاملہ دیہی پولس تھانہ میں درج کیا گیا ہے۔ کارروائی میں ڈی ایس پی روی ڈی نائک اور سی پی آئی رام چندرنایک کی رہنمائی میں دیہی پولس تھانہ پی ایس آئی ایریا سمیت دیگر پولس اہلکار شریک تھے۔ سرسی پولس کی کامیاب کارروائی پر ایس پی ڈاکٹر سمن پنیکر نے ستائش کی ہے۔