سرسی :3؍مارچ؍   (ایس اؤ نیوز ) ’ اگر کانگریس نے راجیہ سبھا انتخابات کےلئے مجھے رقم دی ہے تو پھر اترپردیش اور ہماچل پردیش میں بی جےپی نے کانگریسیوں کو کتنی رقم دی ہے؟  یہ سوال یلاپور کے بی جے پی سے تعلق رکھنے والے  رکن اسمبلی  شیورام ہیبار نے  بی جے پی لیڈر کے ایس ایشورپا سے پوچھا ہے۔ 

راجیہ سبھا انتخابات میں شیورام ہیبار پرجب سابق وزیر کے ایس ایشورپا  نے کانگریس سے   رقم لینے کا الزام عائدکیا تو  رکن اسمبلی شیورام ہیبار نے  کہاکہ ’ دیگر ریاستوں میں بھی کراس ووٹنگ اور غیر حاضر نہیں ہونے کے واقعات ہوئے ہیں۔  انہوں نے پوچھا کہ  وہاں بی جےپی نے کتنا سرمایہ لگایا ہے اس کو بھی بیان کرنا چاہئے۔ انہوں نے کہاکہ ایشور پا کے بیان کو  خود بی جےپی والے سنجیدگی سےنہیں لیتی ہیں، وہ کیا کچھ کرنےکے بعد استعفیٰ کی حالت کو پہنچے تھے پوری ریاست کے عوام اور خود ان کو بھی اچھی طرح  معلوم  ہے۔شیورام ہیبار نے بی جے پی پر وار کرنے کا سلسلہ جاری رکھتے ہوئے یہ بھی کہا کہ  جب ریاست میں بی جےپی کی حکومت تھی تو ایشورپا نے ہمیں کتنے کروڑ دئیے تھے ، اُسے بھی  اُنہیں  بیان کرنا چاہئے۔

شیورا م ہیبار نےکہاکہ ایشورپا شیشےکےگھر میں بیٹھ کر پتھر مارتےہیں تو انہیں چوکنا رہنا چاہئے۔ تبھی ان کی بزرگی کا احترام ہوگا۔ اسی دوران شیورام ہیبار سے جب لوک سبھا انتخابات میں کانگریس میں شمولیت کے تعلق سے  پوچھا گیا  تو انہوں نے اسے  صرف میڈیا کی پیداوار قرار دیا۔