سرسی:4؍ستمبر(ایس اؤ نیوز)انفورسمنٹ ڈائرکٹوریٹ کی طرف سے کانگریس لیڈر اور سابق وزیر ڈی کے شیوکمار کی گرفتاری کےخلاف سرسی میں ضلع کانگریس شاخ کی جانب سے کانگریس کارکنان نے احتجاج درج کیا۔
پرانے بس اسٹانڈ سرکل پر جمع ہوئے کانگریس کارکنان نے ریاستی اور مرکزی بی جےپی حکومت اور مرکزی وزیر داخلہ امیت شاہ کےخلاف نعرے بازی کی۔ سڑک کے درمیان بیٹھے اور سوریوں کو روکا، ٹائر جلا کر اپنی برہمی کا اظہار کیا۔ اس موقع پر ضلع شاخ کے صدر بھیمنانائک نے بات کرتے ہوئے کہاکہ ڈی کے شیوکمار نے دستاویزات کی جانچ کے دوران پوری طرح تعاون کرنے کے باوجود بھی انہیں گرفتارکیاگیاہے۔دراصل بی جےپی انہیں گرفتار کرتے ہوئے کانگریس کی طاقت کم کرنے کی کوشش کررہی ہے۔بی جےپی ای ڈی افسران کے ذریعے ریاستی کانگریس لیڈران کو ڈرانے کا کام کررہی ہے۔ بی جےپی کے کانگریس مکت کا خواب کبھی پورا نہیں ہونے کی بات کہی۔ ضلع کے مختلف مقامات سے پہنچے کانگریس لیڈران بھٹکل کے سنتوش نائک، وٹھل نائک، منیر،کمٹہ کی سابق رکن اسمبلی شاردا شٹی ، راجیش نائک، گوند نائک، جگدیپ تنگیری، بال چندرنائک، وی ایل نائک ،رتناکر نائک، جگدیش کھاروی وغیرہ موجود تھے۔