سرسی : بی جے پی کی کسان مخالف پالیسی کی وجہ سے ملک کاکسان مشکلات سے دوچار ہے: شیوانند ہیگڈے
سرسی:22؍ ستمبر(ایس اؤ نیوز) بی جے پی کی کسان مخالف پالیسی اور ناپختہ انتظامات کی وجہ سے ملک کاکسان مشکلات سے دوچار ہے۔ اترکنڑا ضلع کسان کانگریس کے صدر شیوانند ہیگڈے کڈتوکا نے ان خیالات کا اظہار کیا۔
سرسی کے سامراٹ ہوٹل کے ونایک ہال میں منعقدہ اترکنڑا کسان کانگریس ایگزیکیٹیو کمیٹی میٹنگ میں شیوانند ہیگڈے خطاب کررہےتھے۔ انہوں نےکہاکہ بی جےپی کی غیر ذمہ دارانہ پالیسی اور حکومت کی وجہ سے ملک کےکسان کافی کچھ مشکلات اور پریشانی میں مبتلا ہیں۔ روزمرہ چیزوں کی قیمتیں آسمان کو چھو رہی ہیں۔ پٹرول اور ڈیزل کی قیمتوں میں ہرروز اضافہ ہورہاہے۔ بے روزگار ی کی شرح بے تحاشہ بڑھ رہی ہے۔ عوامی منصوبہ جات کو دینے میں ناکام بی جےپی صرف دھرم اور ذات پات کے نام پر تفریق اور نفرت پیدا کرتےہوئے ووٹ بینک کی کوشش کئےجانےکا الزام لگایا۔
ریاستی کسان کانگریس کے سکریٹری شری پاد ہیگڈے کڈوے نے اپنے خیالات کا اظہار کرتےہوئے کہاکہ کسان ہمیشہ ایثار و قربانی کے جذبات سےمعمور رہتاہے۔ اگر اس کے صبر کاپیمانہ لبریز ہوگیا اور کسان اٹھ کھڑا ہوگیاتو انقلاب برپا ہوگا۔ اسی لئے بی جےپی کسانوں کی طاقت توڑنے کی کوشش کررہی ہے۔ کسانوں کی بھلائی کےلئے کسانوں کو چاہئے کہ وہ کسان کانگریس میں شمولیت اختیار کریں۔ ضلع کسان کانگریس نائب صدر منوہر گوڈا نے بھی اپنی بات رکھی۔
بھٹکل کسان کانگریس کے صدر این جی نائک،منڈگوڈ بلاک کے پردیپ گوڈا، منکی بلاک کے انپا نائک نےاپنے تاثرات کا اظہارکرتے ہوئے مقامی کسان کانگریس بلا ک کو مضبوط کئےجانےکی بات کہی۔ میٹنگ میں سرسی بلاک کے پانڈورنگا نائک، جنرل سکریٹری ونود نائک، شری دھر ہیگڈے، گریش پٹگار، گجانن نائک، ناگیس نائک، رام کرشنا شٹی ، کے جے نائک بھٹکل، شمشیر خان ہلدی پوروغیرہ موجود تھے۔