بھٹکل :شمس اسکول کے طلبا آئی ٹی رورل کوئز مقابلہ میں زونل لیول کے لئے منتخب
بھٹکل :۲۴/ستمبر (ایس او نیوز)تربیت ایجوکیشن سوسائٹی بھٹکل کے زیرا ہتمام چلنے والی نیو شمس اسکول اور شمس انگلش میڈیم ہائی اسکول کے طلبا رورل آئی ٹی کوئزمقابلے میں زونل لیول کے لئے منتخب ہونے کی اطلاع اسکول کے صدر مدرس محمد رضا مانوی نے پریس ریلیز کے ذریعے دی ہے۔
سنیچر کو کاروار کے بال مندر ہائی اسکول میں منعقد ہوئے دیہی آئی ٹی کوئز مقابلہ جات کے اہلیتی راؤنڈ میں نیو شمس اسکول کے کامل دامودی اور خباب رکن الدین کی ٹیم اور شمس انگلش میڈیم ہائی اسکول کے محمد شمویل شیخ اور اسماعیل کاکڑے کی ٹیم نے بہترین مظاہرہ پیش کرتے ہوئے زونل لیول کے لئے منتخب ہوئے ہیں۔
18اکتوبر کو دھارواڑ میں زونل لیول کے لئے منتخب ٹیموں کے درمیان کوئز مقابلہ ہوگا۔ اسکول کی پرنسپال فہمیدہ ڈاٹا ، سکریٹری محمد طلحہ سدی باپا اوراساتذہ نے طلبا کو مبارکبادی پیش کرتے ہوئے ریاستی سطح کے لئے منتخب ہونے کی نیک تمنا کااظہار کیاہے۔