بھٹکل مخدوم کالونی کے شاہین اسپورٹس سنٹر کے زیر اہتمام کوئزمقابلہ اور استقبال رمضان پروگرام کا انعقاد
بھٹکل:6؍ اپریل(ایس اؤ نیوز)شاہین اسپورٹس سنٹر مخدوم کالونی کے زیر اہتمام حلقہ نور کے شبینہ مکاتیب کے مابین 5اپریل بروز پیر کومخدومیہ جمعہ مسجد مخدوم کالونی میں منعقدہ سیرت کوئز مقابلے مع استقبال رمضان پروگرام میں مسجد سیدنا علی کے فیحان بن عبدلمتین صدیق، عبداللہ ابن فیض احمد آفریقہ اور محی الدین بن ہارون کولا نے اول ۔مسجد سعد بن ابی وقاص کے احمد صدیق ، سید عمیس برماور اور عبدالرحمن آرمار دوم اور مسجد مخدومیہ کے محمد راحل کلے والے ، محمد حمدان شیخ اور محمد احمد شیخ نے سوم انعام حاصل کیا تو مسجد ہند سالم کے احمداکرمی ، عبدالرحمن اکرمی اور دانش خطیب نے چہارم مقام حاصل کیا ۔
کوئز مقابلے میں حلقہ نور سے متعلقہ 13ٹیموں نے شرکت کی۔ کوئز مقابلہ بعدنماز عصر اور بعد نماز عشاء دونشستوں پر مشتمل تھا۔ کوئز مقابلےمیں انعام یافتگان میں انعامات کی تقسیم ہوئی اور مقابلے میں شریک ہرایک مساہم کو بھی انعام سےنوازاگیا۔
ماہ مبارک رمضان کی آمد کی مناسبت سے جلسےمیں مہمان خصوصی کے طورپر منکی جماعت المسلمین کے قاضی مولانا شکیل احمد سکری ندوی نے استقبال رمضان کے عنوان پر خطاب کیا تو مرکزی خلیفہ جماعت المسلمین بھٹکل کے قاضی مولانا خواجہ معین الدین اکرمی ندوی مدنی نے اصلاح معاشرہ پر اورجماعت المسلمین بھٹکل کے قاضی مولانا عبدالرب خطیبی ندوی نے شبینہ مکاتیب کی اہمیت پر روشنی ڈالی۔ شاہین اسپورٹس سنٹر کے صدر سمیع اللہ اٹل نے صدارتی کلمات ادا کرتے ہوئے سبھی کا شکریہ اداکیا۔ جلسے میں تینوں قاضی صاحبان کی تہنیت کی گئی ۔
جلسے کا آغاز حافظ محمد مزمل ہلارے کی تلاوت قرآن سے ہوا۔ مولوی نصیر احمد طاہر باپو نے ہدیہ نعت پیش کی تو مبشر حسین ہلارے نے سبھی کا استقبال کیا۔ مولوی فرقان صدیقہ جلسے کی غرض وغایت بتائی اور مولوی مسیعب محتشم نے نظامت کے فرائض انجام دئیے ۔ مولوی جساد سعدا، مولوی سجاد فکردے ، مولوی سوان ندوی ، مولوی ابراہیم ماعیزایم جے اور مولوی عرفان میڈیکل نے کوئز کی تیاری اور نگرانی میں تعاون کرتےہوئے نظامت کی۔ مخدومیہ جمعہ مسجد کے امام وخطیب مولانا نعمت اللہ عسکری ندوی کی دعا پرجلسہ کا اختتام ہوا۔ ڈائس پر جماعت المسلمین مخدوم کالونی کے صدر مولانا شجاع الدین ندوی اور جنرل سکریٹری مولوی شعیب جوکاکو ندوی ،بھٹکل مسلم یوتھ فیڈریشن کے صدر مولانا عزیز الرحمن رکن الدین ندوی اورمیونسپالٹی ممبر اسماعیل امشاد مختصرموجود تھے۔