کاروار :15؍ اپریل(ایس اؤ نیوز)سرکاری ٹرانسپورٹ ملازمین کی طرف سے جاری احتجاج کے دوران  بدھ کو اترکنڑا ضلع میں 61بسوں نے اپنی خدمات دینے سے مسافروں  نے  تھوڑی بہت راحت  کی سانس لی ہے ۔بتایا گیا ہے کہ  ضلع سے ہبلی کے لئے صرف ایک بس چلی، اس  کے علاوہ کوئی بس باہری ضلع  سے باہر نہیں جاسکی۔

احتجاج میں شریک ملازمین کو مرحلہ وار انہیں ڈیوٹی پر حاضر کرانے کی افسران کوششوں میں لگےہوئے ہیں۔ پیر کو ضلع میں 38بسیں دوڑی تھیں تو منگل کو 50بسیں سڑک پر نظر آئیں۔ بدھ کو اس میں مزید اضافہ دیکھاگیا ہے ۔

سرسی ۔یلاپور، سرسی ۔ کمٹہ ، سرسی ۔ بنواسی،سرسی ۔ منڈگوڈکے درمیان بسیں دوڑتی نظر آئیں ۔ سرسی ۔ کاروار کے درمیان کوئی بس نہیں دوڑی ہے۔ ادھر کاروار ڈپو سے انکولہ، کمٹہ ، یلاپور کے درمیان بسیں دوڑتی رہیں۔ جب کہ دیہی علاقوں میں کل 13بسوں کی خدمات حاصل رہیں۔

احتجاج میں شریک میکانکس میں سے صرف 4ٹرئینی میکانک ڈیوٹی پر لوٹے ہیں۔ بس ڈرائیورس اور کنڈکٹرس کی اکثریت احتجاج میں شریک ہے۔ لیکن افسران کا کہنا ہے کہ 60فی صد میکانکس ڈیوٹی پر حاضر ہوئےہیں۔ یونین لیڈروں سے بھی افسران بات چیت کررہے ہیں ۔ انہیں سمجھانےکی کوشش بھی جاری ہے۔جبکہ جو لوگ کام پر لوٹ رہے ہیں بعض جگہوں پر بی جے پی لیڈران کی طرف سے اُن کی تہنیت بھی کی جارہی ہے اور حکومت کاساتھ دینے پر ان کا شکریہ بھی ادا کیا جارہا ہے۔