اُلال کے رکن اسمبلی یوٹی قادر سے ایس ڈی پی آئی کا مطالبہ
منگلورو، 8؍جولائی (ایس او نیوز) جنوبی کینرا بنٹوال تعلقہ کے سجی پانڈو دیہات میں ہر سال بارش کے موسم میں گزشتہ 30 برسوں سے لوگوں کو ہمیشہ پریشانی کا سامنا کرنا پڑتا ہے۔ یہ علاقہ اُلال کے رکن اسمبلی یوٹی قادر کے حلقہ میں آتا ہے اور یہاں مسلمانوں کی کثیر آباد ی ہے۔
ایس ڈی پی آئی نے یوٹی قادر سے مطالبہ کیا ہے کہ یہاں ہر سال بارش کے موسم میں پورے گاؤں میں جو پانی اکھٹا ہوجاتا ہے اس مسئلہ کا کوئی مستقبل حل تلاش کر کے انہیں راحت پہنچائی جائے ۔ گزشتہ 10 دنوں سے اس علاقہ میں مسلسل بارش سے سارے گاؤں میں پانی پھیل گیا ہے اور لوگوں کا گھر سے باہر آنا دشوار ہوگیا ہے۔ 2018 میں ہی گرام پنچایت نے یہاں ڈرین لائنوں کی ازسر نو تعمیر کر کے بارش کے پانی کو ان نالیوں کے ذریعہ ندی میں بہانے کا منصوبہ بنایا گیا تھا لیکن اس منصوبہ پر اب تک کام نہیں ہوا ہے۔ یہ مسئلہ جلد حل کرنے کا مطالبہ کیا گیا ہے۔