سعودی وزیر خارجہ اور اقوام متحدہ مندوب کی شام کے بحران پر بات چیت

Source: S.O. News Service | Published on 26th November 2020, 7:08 PM | خلیجی خبریں |

ریاض،26نومبر(آئی این ایس انڈیا)شام کے لیے اقوام متحدہ کے خصوصی ایلچی گیئر پیڈرسن نے سعودی عرب کے وزیر خارجہ شہزادہ فیصل بن فرحان بن عبد اللہ سے کل بُدھ کے روز ریاض میں ملاقات کی۔

اس ملاقات میں شام کے بحران پر بات چیت کی گئی۔دونوں رہ نماؤں کے درمیان ہونے والی بات چیت میں شام کے بحران اور اس کے بحران کے حل کے ضمن میں ہونے والی سیاسی کوششوں پر تبادلہ خیال کیا گیا۔خیال رہے کہ شام 2011 سے خونی تنازع کا شکار ہے جس میں اب تک 3 لاکھ 80 ہزار سے زاید افراد لقمہ اجل بن چکے ہیں۔

انفرااسٹرکچر اور پیداواری شعبوں کو بڑے پیمانے پر تباہی کا سامنا کرنا پڑا ہے اور ملک کے اندر اور بیرون ملک لاکھوں افراد بے گھر ہوچکے ہیں۔شام میں کئی سال سے جاری جنگ کے دوران چند ماہ کے سکون کے بعد ایک بار پھر ترکی نواز عسکریت پسندوں اور کرد فورسز کے درمیان جھڑپیں شروع ہوگئیں۔


دوسری طرف اسرائیل نے شام میں ایرانی اہداف پر وقتا فوقتا حملے جاری رکھے ہوئے ہیں۔ بدھ کے روز شام کے آبزرویٹری برائے انسانی حقوق کی اطلاع کے مطابق اسرائیلی بمباری سے آٹھ ایران نواز جنگجو ہلاک ہوگئے۔ یہ جنگجو اسرائیلی طیاروں کے رات گئے حملوں میں ہلاک ہوئے ہیں۔منگل کی رات اسرائیل نے جنوبی دمشق کے دیہی علاقوں میں جبل المانع کے علاقے میں ایرانی افواج اور لبنانی حزب اللہ سے تعلق رکھنے والے ایک مرکز اور اسلحے کی گودام کو نشانہ بنایا۔
 

ایک نظر اس پر بھی

سعودی کسٹمز حکام نے منشیات کی بھاری مقدار کی اسمگلنگ ناکام بنا دی

سعودی عرب کے ڈائریکٹوریٹ جنرل برائے انسداد منشیات نے جنرل کسٹمز اتھارٹی کے ساتھ ایک مشترکہ کارروائی کے دوران بیرون ملک سے مملکت میں منشیات کی بھاری مقدار اسمگل کرنے کی کوشش ناکام بناتے ہوئے لاکھوں 'ایمفٹامن' گولیاں برآمد کر لیں۔

امریکی وزیر دفاع کا پہلا غیر ملکی رابطہ، نیٹو کے سربراہ سے افغان، عراق امور پر تبادلہ خیال

امریکا میں نئی انتظامیہ کے وزیر دفاع لائیڈ آسٹن نے نیٹو کے سکریٹری جنرل جینس اسٹولٹن برگ سے عراق اور افغانستان سے متعلق امور پر تبادلہ خیال کیا۔ امریکا میں صدر جو بائیڈن کے اقتدار سنھبالنے کے بعد ان کے وزیر دفاع کا یہ پہلا غیر ملکی رابطہ ہے جس میں انہوں نے دو حساس ممالک کے بارے ...

جو بائیڈن کی حلف برداری کی تاریخی تقریب میں شرکت پر فخر ہے: سعودی سفیر شہزادی ریما بندرکا بیان

امریکا میں سعودی عرب کی سفیر شہزادی ریما بنت بندر بن سلطان نے امریکی صدر جو بائیڈن کی تقریب حلف برداری میں شرکت کے بعد اس پر تبصرہ کرتے ہوئے کہا ہے کہ انہیں اس 'تاریخی تقریب' میں شرکت پر فخر ہے۔