سعودی عرب: 20 ممالک کے باشندوں کے ویزوں میں مفت توسیع کی سہولت

Source: S.O. News Service | Published on 13th June 2021, 1:11 PM | خلیجی خبریں |

ریاض، 13؍جون (ایس او  نیوز؍ایجنسی) سعودی عرب کی وزارتِ خارجہ نے وزارت داخلہ اور خزانہ کے تعاون سے ایک الیکٹرانک سروس کا آغاز کیا ہے جس کے ذریعے مملکت کے باہر سے آنے والے سیاحوں اور زائرین کے ویزوں کی مدت میں آن لائن توسیع کی جاسکے گی۔ تاہم یہ سہولت ان ویزہ حاملین کو ملے گی جن کے ویزہ کی مدت کرونا کے تعطل کی وجہ سے ختم ہوچکی ہے۔ اس کے علاوہ یہ سہولت ان 20 ممالک سے آنے والے مسافروں کو ملے گی جنہیں 2/2/2021 کو مملکت میں سفر کی اجازت دی گئی تھی۔

وزارت خارجہ کے آج ہفتے کے روز سعودی پریس ایجنسی’ایس پی اے‘ کے ذریعے شائع ہونے والے ایک بیان میں کہا ہے کہ یہ سروس مکمل طور پر مفت ہوگی جس کے کوئی اضافی چارجز نہیں لیے جائیں گے۔ ایسے ویزوں کی مدت میں31 جولائی2021ء تک توسیع دی جائے گی۔

مملکت کے باہر سے آنے والے زائرین اس سروس سے فائدہ اٹھا سکتے ہیں اور الیکٹرانک لنک پر وزارت کے ای ویزا سروسز پلیٹ فارم میں داخل ہوکر اپنے ویزوں کی ضروری توسیع کراسکتے ہیں۔

گذشتہ ماہ کے آخر میں سعودی وزارت داخلہ نے متحدہ عرب امارات ، جرمنی ، امریکا ، آئرلینڈ ، اٹلی ، پرتگال ، برطانیہ ، سویڈن ، سوئس کنفیڈریشن ، فرانس اور جاپان سے آنے والوں کو مملکت میں داخلے کی اجازت دی۔

بیس ممالک کی فہرست میں ارجنٹائن ، متحدہ عرب امارات ، جرمنی ، امریکا ، انڈونیشیا ، آئرلینڈ ، اٹلی ، پاکستان ، برازیل ، پرتگال ، برطانیہ ، ترکی ، جمہوریہ جنوبی افریقہ ، سویڈن ، سوئس کنفیڈریشن ، فرانس ، مصر ، ہندوستان اور جاپان شامل ہیں۔

ایک نظر اس پر بھی

بغیر ویکسی نیشن کے سعودی عرب میں سرکاری جگہوں اور پبلک ٹرانسپورٹ میں داخلہ بند

سعودی عرب میں ویکسین نہ لگوانے والوں کے خلاف سختی کا اعلان کیا ہے۔ سعودی عرب کی وزارت داخلہ نے اعلان کیا ہے جس کے مطابق مملکت میں مقیم جن غیر ملکیوں اور سعودی شہریوں نے اب تک ویکسین نہیں لگوائی ہے انہیں یکم اگست 2021 سے سرکاری جگہوں میں داخلے، تقریبات میں شرکت اور پبلک ٹرانسپورٹ ...

خطبہ ٔحج میں ا مام کعبہ الشیخ ڈاکٹر بندر بن عبدالعزیز بلیلہ کی وبائی امراض سے متعلق احکام ِ نبوی ؐ پر عمل کرنے کی تلقین

خطبہ ٔحج میں ا   مام کعبہ الشیخ ڈاکٹر بندر بن عبدالعزیز بلیلہ نے   وبائی امراض سے متعلق احکام ِ نبوی ؐ پر عمل  کرنے کی  تلقین کرتے ہوئے کہا کہ جہاں طاعون پھیلاہووہاں  کے لوگ دوسرے علاقے میں نہ جائیں اور دوسرے علاقے کے لوگ اس علاقے میں نہ آئیں۔انہوں نے عالمی وبا کے اس دور میں ...

بدھ کو ہندوستان بھر  میں منائی جائے گی عیدالاضحٰی  ؛ سعودی عربیہ، دبئی ، عمان و دنیا کے دیگر کئی  ملکوں میں آج منگل کومنائی جارہی ہے  عید 

بھٹکل اور ریاست کرناٹک سمیت پورے ملک میں کل بدھ 21 جولائی   کو عید الاضحیٰ منائی جائے گی، البتہ سعودی عربیہ، متحدہ عرب امارات،  عمان، کویت اور گلف کے دیگر ملکوں سمیت دیگر مختلف ممالک میں آج منگل کو ہی عید منائی جارہی ہے۔