مکینوں کی طرف سے انڈر پاس کی تعمیر کے منصوبہ کا خیر مقدم

Source: S.O. News Service | By Shahid Mukhtesar | Published on 1st September 2018, 12:16 PM | ریاستی خبریں |

بنگلورو، یکم ستمبر(ایس او نیوز) بروہت بنگلورو مہا نگرا پالیکے (بی بی ایم پی) نے یشونت پور ریلوے اسٹیشن کے قریب واقع پائپ لائن روڈ کو متی کیرے میں جے پی پارک سے جوڑ نے کے لئے ایک انڈر پاس کی تعمیر کا منصوبہ تیار کیا ہے جو ان دونوں ہی علاقوں میں مقیم مکینوں کو بڑی راحت فراہم کرنے والا ہے۔

اس وقت چونکہ ان دونوں علاقوں بالخصوص ٹمکور روڈ اور متی کیرے کے درمیان براہ راست رابطہ نہیں پایا جاتا، دونوں ہی علاقوں کے مکینوں کو ان تک پہنچنے کے لئے تقریباً چھ کلو میٹر کا سفر کرنا پڑتا ہے۔گاڑی سوار ایک جگہ سے دوسری تک جانے کے لئے اس وقت مین روڈ کا استعمال کر تے ہیں جو پورے چھ کلو میٹر طویل ہے، اگر یہ انڈر پاس تعمیر ہو جاتا ہے تو یہ فاصلہ صرف ایک یا دو کلو میٹر کا ہو کر رہ جائے گا، اس کے علاوہ ریلوے ٹریک کو پار کرنے کی بھی پریشانی نہیں ہوگی، واضح رہے کہ اس راستہ پر بہت سارے حادثات ہوتے رہتے ہیں۔

ذرائع کا کہنا ہے کہ بی بی ایم پی نے ، اس علاقہ میں آبادی کے اضافہ کو ذہن میں رکھتے ہوئے انڈر پاس کی تعمیر کا منصوبہ تیار کیا ہے۔بی بی ایم پی کے مئیر سمپت راج، کمشنر این منجو ناتھ پرساد اور رکن اسمبلی منی رتھنا نے یشونت پور ریلوے اسٹیشن کے قریب اس مقام کا حال ہی میں دورہ کیا تھا۔اکثر اس راستہ پر سفر کرنے والے چندرا شیکھر کا کہنا ہے کہ ’’گولڈن گرانڈ اپارٹمنٹ کو موہن کمار روڈ سے جوڑنے والے انڈر پاس کی تعمیر یقیناًہمارے لئے مدد گار ثابت ہو سکتی ہے، راستہ کی طوالت سے بچنے کے علاوہ ایک اور بڑا مسئلہ ہمارے لئے ٹریفک کے سگنل اور ٹریفک اژدھام ہوتا ہے‘‘۔ایک اور گاڑی سوار راجو نے بتایا کہ ’’بی بی ایم پی نے آحر کار انڈر پاس کی تعمیر کا منصوبہ تیار کر لیا ہے ، یہ انتہائی ضروری تھا۔متعلقہ افسران کو چاہئے کہ عوام کی سہولت کے پیش نظر اس کام کو جلد سے جلد مکمل کر لیں‘‘۔

ایک نظر اس پر بھی

بیلتنگڈی : ریاست میں لگی ہے غیر اعلان شدہ ایمرجنسی ۔ کانگریسی لیڈر وسنت بنگیرا کا الزام

مندروں کو منہدم کرنے کی ریاستی  پالیسی کے خلاف احتجاجی مظاہرے سے خطاب کرتے ہوئے سابق ایم ایل اے اور کانگریسی لیڈر وسنت بنگیرا نے الزام لگایا کہ حکومت کی طرف سے  ریاست میں غیر معلنہ ایمرجنسی نافذ کی گئی ہے جس کے چلتے احتجاجی مظاہرے منعقد کرنے میں رکاوٹ پیدا کی جارہی ہے ۔

بھٹکل : ضلع شمالی کینرا میں بجلی سربراہی کی مسئلہ پر وزیر توانائی کے ساتھ اراکین اسمبلی نے کی گفتگو

کرناٹکا ودھان سودھا میں اسپیکر وشویشورا ہیگڈے کاگیری اور ضلع شمالی کینرا انچارج وزیر شیورام ہیبار کی موجودگی میں کمٹہ، ہلیال اور بھٹکل کے اراکین اسمبلی نے وزیرتوانائی سنیل کمار سے ملاقات کی اور کاروار، انکولہ سرسی، ہوناوراور بھٹکل جیسے مقامات بجلی سربراہی سے متعلق مسائل ...

کرناٹک بی جے پی آر ایس ایس کی کٹھ پتلی، اسی کے حکم پر عمل کر رہی ہے: سدارمیا

  کرناٹک میں قائد حزب اختلاف  سدارمیانے کہا ہے کہ وزیر اعلیٰ بومئی سمیت پوری حکومت آر ایس ایس کی کٹھ پتلی کی طرح برتاؤ کر رہی ہے اور اسی کے حکم پر عمل کر رہی ہے۔ انہوں نے کہا کہ کرناٹک کے وزیر اعلیٰ بسوراج بومئی کو جمہوریت اور پارلیمانی نظام حکومت پر کوئی یقین نہیں ہے۔ انہوں نے ...

کرناٹک حکومت تیسری لہر کے لیے مستعد، 20 فیصد بیڈ بچوں کے لیے مختص

داکٹر سدھاکر نے بتایا کہ ماہرین پر مشتمل ٹیکنیکل ایڈوائزری کمیٹی کی تجویز پر بچوں کو کووڈ  کی ممکنہ تیسری لہر کے دوران زیادہ خطرے کے پیش نظر حکومت نے سرکاری اور نجی سطح پر 25870 آکسیجن سپورٹ بیڈ اور 502 پیڈیاٹرک وینٹی لیٹر تیار کیے ہیں۔

کرناٹک: ریاست کی 6 لاکھ ہیکڑ فوریسٹ زمین غریبوں میں تقسیم کی جائے گی : ودھان سبھا اجلاس میں ریاستی وزیر آر اشوک کا بیان؛ لیکن کیا حقیقت میں ایسا کرنا ممکن ہے ؟

ریاست کی 6لاکھ ہیکڑ فوریسٹ زمین کو دوبارہ روینیو محکمہ کو لوٹائی جائے گی اور متعلقہ زمین ریاست کے غریبوں کو دی جائے گی۔یہ بات ریاستی روینیو وزیر آر اشوک نے  ودھان سبھا اجلاس میں ایک سوال کے جواب میں کہی، مگر کیا حقیقیت میں چھ لاکھ ہیکٹر فوریسٹ زمین کو روینو کے حوالے کیا ...