بھٹکل رحمت آباد فرینڈس فورم کے زیر اہتمام سیرت النبی ﷺ کوئز مقابلہ و جلسہ کا اہتمام
بھٹکل:23؍نومبر(ایس اؤ نیوز) بھٹکل رحمت آباد فرینڈس فورم کے زیر اہتمام 19نومبر 2020بروز جمعرات کو بعد عشاء مسجد ابوبکر صدیق کے احاطے میں سیر ت النبی ﷺ کا جلسہ اور کوئز مقابلے کا اہتمام ہوا۔
کوئز مقابلے میں عبدالقادر عودہ ،صہیم مصباح اور مستقیم کی ٹیم نے اول مقام حاصل کیاتو قاسم خیال ، افاض اور معاذ کی ٹیم دوم اور ایمن ، احمد آرماراور مان بائیدہ کی ٹیم نے تیسرا مقام حاصل کیا۔ مقابلےمیں رحمت آباد علاقے کی کل 12ٹیموں نے حصہ لیا۔ کوئز میں شریک ہر ایک مساہم کو تشجیعی انعامات سےنوازا گیا۔
جلسےمیں مولانا محمد انصار خطیب مدنی نے خطاب کرتےہوئے کہاکہ معاشرے کے ذمہ داران اور گھر والے بچوں کے ساتھ ویسا ہی سلوک و رویہ اپنائیں جو اللہ کے نبی ﷺ نے بچوں کے ساتھ اپنایا تھا۔ مولانا محمد الیاس جاکٹی ندوی نے کہاکہ بچوں کی نفسیات اور زبان کے مطابق ان کے ذوق کی سیرت ﷺ کی کتابیں فراہم کریں اور انہیں سیرت ﷺ سے واقف کرائیں ۔ مولانا شرف عالم قاسمی نے خصوصی خطاب کرتےہوئے کہاکہ حضرت محمد ﷺ پوری انسانیت کے رسول وپیغمبر ہیں، ہمارا کام یہ ہےکہ اس پیغام کو پوری انسانیت تک پہنچائیں۔مولانا عبد الاحد فکر دے ندوی نے بھی سیرت رسول ﷺ کے متعلق خطاب کیا۔
جلسے کا آغاز حافظ عسعل رکن الدین کی تلاوت قرآن سے ہوا۔ طریف ابو حسینہ نے ہدیہ نعت پیش کی۔ جلسےمیں بچوں نے بہترین انداز میں تقاریر و مکالمات پیش کئے ۔ جریر شوپا نے رحمت آباد فرینڈس فورم کا تعارف اور مقاصد کو پیش کیا۔ جلسے کی نظامت مولوی ابوبکر صدیق کندن گوڈا اورمولوی سفیان نے انجام دی ، نصیر احمد طاہر باپواور سید محمد سنان ایس جے نے کوئز مقابلے کی نگرانی کی۔ ڈائس پر قمر سعدا، کولا عبدالسمیع، اشفاق جناب وغیرہ موجود تھے۔ مولانا نعمت اللہ عسکری کی دعا پر جلسہ کا اختتام ہوا۔